uMthunywa
INHLANGANISO yekweleSouth Africa engenzi nzuzo iCheck Know Prevent (CKP) isungule ibhodisi elemininingwane efundisa abesifazane ngokuthi bazihlola njani imvukuzane yebele.
Lolu hlobo lukabhodisi olulendwangu ethambileyo ngaphakathi lulungele ukugqokwa ngabesifazane abavela kuyohlinzwa futhi labazivocavocayo bangawugqoka ngoba wakhiwe wakwazi ukubamba kahle inyama ngaphansi kwamakhwapha kodwa ungatshiyi omaka lezibazi ezimbi emzimbeni.
UNkosikazi Jenny De Oliveira, umsunguli walinhlanganiso, uthe lolu hlobo lukabhodisi lulombhalo ngaphakathi okhumbuza abesifazane ukuthi kubaluleke kangakanani ukuthi ugqoke ubhodisi okulingana kahle ongakubambiyo lokuthi uzihlole njalo ukuthi awulazo yini izimpawu zemvukuzane yebele obulala abesifazane abanengi emhlabeni.
“Ulwazi olukhona luveza ukuthi abantu abanengi okuye kutholakale ukuthi balemvukuzane bafika esibhedlela imvukuzane isisabalele, ngibone ukuthi uma umyalezo wokuthi uzihlola kanjani ungabhalwa kubhodisi okuyinto abesifazane abanengi abayigqokayo sizakubalakho lathi ukuphonsa esivivaneni sokulwa lalesi sifo,” kutsho yena.
Umqingo okubhalwa kuwo ukuthi bangakanani abahlaselwa ilesi sifo iNational Cancer Registry yakuleli ka-2017 uveza ukuthi kubantu besifazane abangu-26 oyedwa usengcupheni yokuhlaselwa umdlavuza webele.
Olunye ulwazi olukhona ngalesi sifo ukuthi u70% weziguli ezinomdlavuza webele wasizwa ukuhlale uzithinta ibele ukuze uthole ukuthi kulokuthile okungajwayelekile ebeleni, uma sekuhlolwa kwatholakala ukuthi ulomdlavuza webele.
Ngokwalo mqingo uma kutholwe ukuthi ulalo mdlavuza usasesigabeni 0 amathuba okuthi welapheke angu-100%.
Le nhlangano ithe ngenxa yalolu lwazi olutholakala kuNational Cancer Registry ibone kukuhle ukuthi yenze ubhodisi obhalwe ukuthi uzihlola kanjani lokuthi uya esikhungweni sezempilo uma uthe uyathinta wezwani ebeleni.
imvukazane yamabele
Ithi ikwenza lokhu ukuze kugwenywe ukutshona kwabantu besifazane obekungamele batshone ngenxa yokuthi bafike ezikhungweni zezempilo umdlavuza ususabalele kakhulu egazini.
“Sithole ukuthi kukhona abantu besifazane abangelalo ulwazi lokuthi bangazihlola kanjani ukuthi abalawo yini umdlavuza.
Sabe sesibona ukuthi kule nyanga okungeyokuqwatshisa ngomdlavuza webele, asenze ubhodisi ozofundisa ngezinto ezibalulekile, ukuthi kumele ugqoke ubhodisi okulinganayo lokuthi uzihlola kanjani ngokuzithinta wena ibele ekhaya,” kutsho i-website yale nhlangano.
Labo bhodisi badayiswa nge-internet ku-website yale nhlangano, umunye ubiza uR399.
Le nhlangano ithe kobhodisi abahlanu abathengwe kule nyanga, imali yowodwa izonikela ngayo ngokuthi ithenge owodwa ozonikezwa umfundi ofunda uGrade-11 noma uGrade-12 owudingayo.- Isolezwe
