uMthunywa
UMDENI kaShona Ferguson, usumemezele ngokumsemthethweni ukuthi umngcwabo uzakubakhona ngoLwesithathu futhi uzabe ungowamalunga emuli.
Umdeni lo ukhiphe isitatimende ngamalungiselelo omngcwabo ngoLwesibili.
Okhulumela umdeni uThato Matuka, kusitatimende uthe inkonzo ekhethelekile izabe ilamalunga emuli wodwa ngoLwesithathu (kusasa).
“Okunengi ngenkonzo yesikhumbuzo kuzaziswa ngokuya kwesikhathi nxa konke sokuhleliwe,” kutsho uMatuka.
Umlingisi lo obephinda abe nguphrojusa wemidlalo ehamba phambili eSouth Africa, ubhubhe ngoLwesihlanu kuviki ephelileyo kulandela ukuxakwa zinhlungu ezihlobene lesifo seCovid-19.
Imbiko yenduduzo iqhubekela phambili itheleka kumuli kaShona kunkundla zokuxhumana.
