uMthunywa
KUNGAKAPHELI sikhathi esingakanani kubunjwe ikhomitshini evikela iNkolo, iNdimi LamaSiko, omunye wabafundisi owayephenywa, umphurofethi uPenuel Mnguni, usephinde wakususa adume ngakho.
Lumfundisi we-End Times Disciples Ministries, oseke wadlisa abazalwane bebandla lakhe izinyoka, usephinde njalo wadlisa umzalwane amaluba ‘‘aletshefu’’.
Lesi sehlakalo sifakazwe ekhasini lebandla kuFacebook ekuqaleni kwale inyanga.
“Ngesikhathi indoda kaNkulunkulu ikhombisa isimangaliso iphendula iphela liba ngu-cheese, umphostoli uTompane Eans waseLimpopo weza phambili wathi ufuna laye ufuna ukudla. Indoda kaNkulunkulu yabe isithatha iluba eliletshefu, yalithandazela yayinika uTompane ukuthi adle,” kutsho umbhalo ofakwe ekhasini kuFacebook.
Kuthiwa u-Eans uthe leliluba lifana lokudla okujwayelekile, walidla waze waliqeda.
Kuzokhumbuleka ukuthi umbiko wophenyo lwabafundisi obelusenziwa yiKhomishini eVikela iNkolo, Izilimi lamaSiko, ebiholwa nguNkosikazi Thoko Mkhwanazi-Xaluva, wethulwe ngoNtulikazi lonyaka.
Le khomishini yadlulisela umbiko ePhalamende ukuze liwucubungule bese kuyabonakala ukuthi siyezwakala yini isiphakamiso sabo sokulawulwa kwabafundisi. Ikhomishini ifuna baphucwe amagunya okuhola amabandla abafundisi abazotholakala benyathela amalungelo abantu labasebenzisa ibandla ukwenza inzuzo.
Phakathi kwabafundisi abavele phambi kwekhomitshini yophenyo kubalwa uMfundisi Hamilton Nala waseThekwini, uMfundisi Penuel Mnguni loMphurofethi Paseka Motsoeneng odume ngelikaMboro. — Ubulembu
