uMthunywa
ISIHLABANI segqom,’ uBongekile “Babes Wodumo” Simelane sicacise ngobudlelwano baso lomculi wama-piano, uSabelo Zuma.
Ekuqaleni kwenyanga edlule kuke kwasabalala amahlebezi abethi uBabes loZuma sebengamathe lolimi futhi sebeyajola emva kokuba sekuphele umnyaka ezilele uMampintsha.
Ngokwemithombo yezindaba, uBabes loZuma baqala ukuthandana kusukela ngomnyaka owedlule kangangoba babonakale kanengi emicimbini yomculo eyehlukene lasemaphathini.
Kwaze kwabakhona abakhala ngokuthi uBabes mdala kuloZuma umtshiya ngeminyaka emithathu njengoba kwabikwa ukuthi uBabes ule-28 ekubeni uZuma ele-25.
Babes Wodumo
Echaza, kuPodcast and Chill with MacG, uBabes uthe yena loZuma waMaroto bangabangani futhi bahlobene.
“Ubaba wami uzalwa uMaZuma, njengoba laye enguZuma, ayikho into eyenzekayo. Ngingenzani. Lizabona ngami nxa sengijola.”
Ebuzwa ukuthi ngabe ucansi walugcina ngomyeni wakhe, uMandla “Mampintsha” Maphumulo, uvele wahleka maqede wathi u“sawoti” uyadinga ukukhitshwa ndawana thize.
