Tjinyunyi babili nkomba woga tjowuluka

23 Mar, 2017 - 00:03 0 Views

uMthunywa

Tina Buhe Dube

Inobva kuviki yakapela

BAKATI bobhudilila banhu bakatjenama. Bamwe ndebaka bozwisesekedza kuti bawane huno. Kwagala tibanji bodla bohinga tibahomanana. Nepayinoviyiwa, banolilila mahuno  makulu ndebanoba babasina tjabanothama.

Ndizo ngati kumbuleni tikumbulila mangwana. Kuto tikaba tisitjipo kwakalulwama. Kwagala nasi tohingisa zwinhu zwatakabakanyigwa nebantolo.  Kwakajalo naswibo ngatibakeni. Nhu ngaabe nhu unoti hapa efa asiye banhu banotjila bebala paakatshamba. Hapa anan’hingo nhu unozwagwa ehha edla matobgwe nemipuzu koga asina tjaanotila tjaba. Unotjililani? Kana unopedzela makudo zodliwa zwawo.

Hatizi kana mano malayan’wa, maziba ndoga wakadla zwakaloyewa. Ngatibonisaneni, tilayidzane hatingakon’we tose. Miholo yatinayo ndeyokumbula. Unobona n’holo uwe usingakumbule ngaathubule aposele kutjena kana kowumbgwiliza hule. Kwakayi ukabona luboko gugo gukuta kuti ute  zwakayipa thubula.

Non’holo woNkalanga hapa usina n’hingo thubula. Limwe hhuba ungawana payinotengesewa ukatenga unonga.

KubaKalanga bose ndoti ibhatsho kene ba nehhidengu lisina bulubi?  Simbe nayiyo inonga, kana inobaka gwayo lukuta nemimhiwa. Nekumbula inokumbula ngoba ntumbu awuna kuti ndisimbe lubaka hapa gwaloba  unohaka tjinodliwa. Ndizo banatjabangathama basihlile kule. Hatitohaka bomahlankwala. Ngabahingise nkumbulo tjiKalanga tjimusidzilike.

Kuto bunjinji gukaba gukakatila hule bayapo banamihingo mikulukulu kwazo mumusidzigwa kwetjiKalanga.

Tobalobela mhande. Basinyale moyo. Banobokewa kakale bazwiwhe bebokewa. Tjikulu tjamunothama. Bhatani musimise togalabgwe kumuli. Naswibo towhoba tili kunsumho tisundabo nekutukununu. Kwagala gwizi gohhadzisiwa newhobana. Ngono ndiyani angagumisa hapa gwahhala gwizi. Ngakujalo nekutjiKalanga.

Kalanga Language and Cultural Development Association.
[email protected] or +263772610726.

Share This:

Sponsored Links