uMthunywa
Buhlebenkosi Gaule
NGOMGQIBELO kuyonale iviki kuzabe kungabizwa ozwayo eHorizon koBulawayo lapho okuzabe kutshaya khona uDJ Zinhle wakweleSouth Africa.
UDJ Zinhle obizo lakhe lokuzalwa nguNtombezinhle Jiyane uzavuthisa inkundla le lize liphume elangeSonto ilanga.
Umcimbi lo uzabe ulendlela yokugqoka ekhethekileyo nanko phela wonke ozabe ekhona kuyabe kumele impahla ezimhlophe kuphela.
Kuzabe kulabanye abahlabeleli bakuleli abazancedisa uDJ Zinhle esitikini abagoqela uLacusto, uDJ Que lomunye uDJ oyintombazana osakhulayo uDJ Liz labo abazatshaya lezabo ingoma.
UDJ Joe okhulume emele uDJ Zinhle uthe bonke abazabuya kumcimbi lo kumele bagqoke impahla ezimhlophe ngoba lokhu yikho okuzabe kuhambelana lendikimba yalelolanga.
“Ngikhuthaza abantu bonke abazabuya kulo umcimbi kaZinhle ukuba babuye begqoke impahla ezimhlophe ngoba lokhu kuzabe kuyikho okuzakwehlukanisa umcimbi lo leminye,” kuphetha uDJ Joe.
