uMthunywa
NGENXA yesikhudumezi esikhona kanye lezinga lokutshisa eliphezulu sekudunge ukuhlaliseka kwenyoka ikakhulu ama-cobra, ngoba athanda ukudinga ukucatsha lapho okuqandela khona ikakhulu ezindlini.
1. Qaphelani ukutshiya amafasitela evuliwe isikhathi eside. Ama-cobra kanye lemamba zilakho ukufinyelela indawo eziphezulu.
2. Limukani ukutshiya imnyango ivuliwe ngesizatho sokutshisa ebusuku. Impankwa ihamba okwesela. Ngeke wayizwa kumbe wayibona ingena endlini yakho.
3. Ngaphambi kokuhlala ngaphansi kwesihlahla somthunzi, khangelisisa ingatsha ukuba akula nyoka phezulu.
4. Ngaphambi kokulala khangela ngaphansi kombheda kanye lendlu yonke ngaphambi kokulala, ama-cobra asedumile ngokutholakala ngaphansi kwamalembu embhedeni.
5. Yekelani imidlalo yasendulo efana lokuphuma lo-mattress kumbe amathawulo phandle ebusuku. Inyoka ezinengi zihamba ebusuku.
6. Akusinyoka ezingakuluma ebusuku, ngoba sikhona isitha somuntu sasendulo inyoka yabafazi, inyoka yabafazi iyagijima njalo itshefu yayo iyingozi.
7. Centanini amaguma. Utshani buyabiza amagundwane, okuyikho ukudla okumnandi kwenyoka.
8. Thenga umuthi wokuxotsha inyoka uwufafaze egumeni lakho. Ngalokho uyehlisa amathuba okuvakatshelwa yinyoka emzini wakho kakhulu.
Limukani ukuhlasela inyoka ezingena ezindlini zenu. Ezinye inyoka ziyabulaleka lula kodwa zikhona ezilobhova ezifana lemamba.
Imamba ingabona ukuthi isihlaselwe, iyakugijimisa ikulume kanengi nengi njalo kunzima ukuthi lo oselunyiwe aphile imizuzu eyedlula engamatshumi amane. Kungakho-ke qaphelani nxa lizama ukuyibulala.
– Source: Environment and Safety Management Institute.
