uMthunywa
Amagwili athandwa ngumuntu wonke njalo singazilimela lathi ezivandeni zethu. Zinengi izindlela zokuwapheka.
Izindlela ezehlukeneyo zenza ukuthi angakudaki. Lamuhla sizathi fahla ngenye indlela yokupheka amagwili esithi ngamagwili abucuzekileyo.
Okudingakalayo
– Amagwili amahlanu amakhulu
– Uchago ngenkomitsho yetiye
– Imajarina (5 grams)
– Uphini lokubucuza (masher) nxa ulayo
– Ibilebile, isawudo, i-cheese, i-grater, umganu wokupheka ku-oven
– Itshukela ngokuthanda kwakho, umganu wokubucuzela amagwili
Ukupheka
– Qala ngokugezisa amagwili aphele yonke inhlabathi. Wahlube izigogo uwaphosele emanzini aqandayo, aqobaqobe iziqana ezincinyane. Wapheke okwemizuzu engamatshumi amabili (20 mins) kumbe aze avuthwe. Wahlabe ngefologwe ukubona ukuba asevuthiwe.
– Khathesi waphakululele emganwini wokuhlanganisela, wahlanganise ubonda uthela uchago olubilileyo. Qhubeka ubonda ufake lemajarina, bonda kuhlangane kungasali iziqa, ufake isawudo lebilebile.
– Faka njalo itshukela ngokuthanda kwakho. Thululela emganwini wokubhekhela.
– Thatha ifologwe udwebe izindledlana phezulu kwamagwili. Giretha i-cheese uyivuvuzele amagwili.
– Faka amagwili ku-oven etshisayo, yekela ku-oven kuze kube luthuthuvana.
– Bona ukuthi akutshi kodwa kuvuthiwe kuhle.
Lokhu kulungele ukudliwa lenyama egayiweyo (mince meat).
Inyama egayiweyo (mince meat)
Okudingakalayo
– I-1kg yenyama egayiweyo oyithenge ebhutsha
– Ihanyanisi eyodwa enkulu
– Inkezo zokudla ezimbili zamafutha okupheka (cooking oil)
– Amatamatisi amabili amakhulu, inkezo ezimbili zefulawa, ukhezo lwetiye i-curry powder, quarter yokhezo lwetiye, ibilebile lesawudo
Ukupheka
Geza izandla zakho
– Hlikiza inyama egayiweyo ngezandla, faka amafutha embizeni aze atshise.
– Qoba ihanyanisi uyikhanzinge ibe luthuthuvana.
– Vuvuzela i-mince meat ukhanzinge.
– Lungisa amatamatisi ngokususa izigogo, waqobe kumbe wagirethe nge grater.
– Thela ifulawa, isawudo, ibilebile lamanzi.
– Beka eziko uyekele kuxhwathe emlilweni olingeneyo okwemizuzu elitshumi.
– Phenduphendula ubone ukuthi akutsheli.
Ukudla
Dlana amagwili abucuziweyo lenyama egayiweyo uzikholisele.