uMthunywa
ULAHLWE licala lokubulala uBhishopu weZayoni, eManguzi obethathwa njengobhongoza ecaleni lokubulala lokuya uNkosazana Thandazile “Nanana” Msweli owayelebala elimhlophe obehlala eScabazini, KwaMhlabuyalingana ngo-2015.
UBhishopu Bhekukufa Gumede (67) ulahlwe yiNkantolo eNkulu yeMtubatuba ngoLwesibili kukanti kulindeleke ukuthi agwetshwe.
Ngesikhathi ujaji uThemba Sishi emlahla ngecala uthe umbuso ulethe ubufakazi obungangabazeki usebenzisa izitatimende zasebegwetshiwe ngalelicala oMandla Mabuza, Lindokuhle Khumalo loSiyabonga Gwala abaveze ukuthi babethunywe nguGumede ukuthi babulale umufi.
Bazivumela bona ukuthi babulala uNkszn Msweli bagwetshwa iminyaka engu-15 umuntu ngamunye.
USishi uthe ubufakazi obethulwe enkantolo buyakuveza ukuthi uGumede wayekhona kudalwa icala leli futhi elenhloso ngayekwenza. Uthe ubufakazi obethulwe enkantolo buveza ukuthi uGumede wahlangana lalaba abanye.
USishi uthe obunye ubufakazi bukaGumede bungamampunge njengoba athi watshaywa ngamapholisa esitokisini.
Uthe into engacaciyo yikuthi uGumede wayekhona yini ngesikhathi kubulawa umuntu kodwa kuyacaca ukuthi uyathinteka etulweni lokubulala.
Ngokobufakazi obethulwe enkantolo uGumede wahlangana loMabuza wamcela ukuba athole umuntu wesifazane olebala elimhlophe ozobulawa acuywe ukuze kwakhiwe umuthi wokuceba ngezicubu zakhe. Kuvele ukuthi wayemthembise uR25 000.
UMabuza waluxoxela umzala wakhe uKhumalo lolu daba bakha isu lokuthola owesifazane. Bathola uGwala owaqonywa ngumufi owaphuma kubo ngosuku abulawa ngalo ngoba ebizwe lisoka lakhe.
Kuvele ukuthi babamba umufi bamsonta intamo bamgwaza wafa base bebiza uGumede owafika ngemota yakhe eyiveni wathatha isidumbu. Sebehamba ngemota babona imota yamapholisa bangena ehlathini bahlinza isidumbu.
Ubufakazi obethulwe enkantolo buveza ukuthi uGumede wasika isitho sangasese lesandla wahlinza lesikhumba wahamba lakho.
Ezinye izitho zomzimba ezingasebenzanga zafakwa ebhakedeni zagqitshelwa eduze komgwaqo uPhelandaba.
Sekuzwakele ukuthi kukhona owesifazane olahlekileyo, uMabuza, Khumalo noGwala baya emzini kaGumede beyofuna imali ayebathembise yona lomuthi wokugquma ukuze bangabonakali kodwa wabanika uR200 wokuthi babaleke endaweni. UGumede wathi lobu bufakazi bungamanga.
Unina kamufi, uNkszn Khanyisile Masinga, uthe ufisa agwetshwe udilikajele uGumede ngoba yamhlukumeza into ayenza enganeni yakhe.
— Ubulembu
