uMthunywa
ABALIMI bathabe bamanzi ngokuzwa ukuthi lonyaka izulu linengi.
Uhlangothi olubona ngezomumo womkhathi, olwe-Meteorological Services Department (Met) lubike ngoLwesibili ukuba lihlole emkhathini ukuba kusukela ngoMfumfu kusiya kuMbombitho izulu lizabe lisina.
Esinye isanuse somkhathi eMeteorological Department, uMnumzana James Ngoma uthe abalimi abaqalise ukulungiselela.
“Izulu lizakuna kusukela ngoMfumfu kuze kufike uMbimbitho ngomnyaka ozayo,” kutsho uMnu Ngoma.
UMnu Ngoma uthe loba sebekubonile ukuthi izulu likhona, kumele kunanzelelwe ukuthi izigaba ngezigaba azisoze zithole izulu elifanayo.
Kusenjalo, kuzwakale ukuba uHulumende uzaqhubekela phambili ngohlelo lokulima ngokuqabanga olwe-Intwasa/Pfumvudza.
