uMthunywa
KUTSHONE abafundi abathathu besikolo samabanga aphansi okusolakala ukuthi badle ukudla okulobuthi ngoMvulo, eMalahleni, eMpumalanga.
Esitatimendeni esikhitshwe ngoMvulo ntambama, okhulumela uMnyango wezeMfundo eMpumalanga uMnumzana Jasper Zwane uthe laba bafundi beNelson Ngubeni Primary School batshone ngoMvulo kanti abanye “abangu-10 abafunda kulesi sikolo bathola ukwelatshwa esibhedlela eMalahleni”.
“Umnyango usuthumele izisebenzi zawo esibhedlela ukuyosekela abazali babafundi,” kutsho uZwane.
UNgqongqoshe wezeMfundo uBonakele Majuba uvakatshele isibhedlela lesikolo ngoLwesibili ukuyohlola isimo.
“Lokhu kuzakwenza ukuthi umnyango ukwazi ukuthola imininingwane epheleleyo ngokwenzakeleyo bese kuthathwa amanyathelo afaneleyo,” kutsho yena.
NgoNkwenkwezi lonyaka abafundi abalinganiselwa kwabangu-26 beNdimande Primary School eBushbuckridge, eMpumalanga, baphuthunyiswa esibhedlela ngemva kokusolakala kokuthi babedle ukudla okulobuthi ngesikhathi bejuqwa yizisu.
Kunyanga efanayo futhi abafundi abangu-34 be Edward Phatudi Comprehensive School e-Atteridgeville ePitoli baphuthunyiswa esibhedlela ngemva kokudla okwasolakala njengobuthi obabusemanqineni ababewathenge esitolo sasesikoleni.
Laba bafundi inengi labo elenza uGrade 12 bajuqwa yizisu kwaze kwabizwa abezempilakahle. — Isolezwe
