uMthunywa
Flora Fadzai Sibanda
KULOMNTWANA oleminyaka engu-13 yokuzalwa olahlekileyo elokitshini leMakokoba koBulawayo.
UThabisile Pearl Nyathi uselensuku ezinhlanu enyamalele. Wacina ukubonakala ngoLwesibili ngeviki ephelileyo ngehola lesithupha ekuseni.
Ekhuluma lentatheli umama womntwana owaziwa ngokuthi nguMaNyathi uthe kubuhlungu kakhulu ukuphila engaboni umntanakhe njalo engazi ukuthi uphephile lapho akhona.
Uthe umntanakhe ufunda eLobengula Primary njalo ukubanga lesikhombisa.
“Umntanami angabe waphuma emadabukakusa ngoLwesibili ngoba ngezwa kulezisinde endlini, ngacabanga ukuthi mhlawumbe uya endlini encane. Ngamangala ekuseni sengibona engekho. Okungihluphayo yikuthi angazi ukuthi waphuma egqokeni,” kutsho uMaNyathi.
UMaNyathi uthe ucela ukuthi ongabe elodletshana ngomntanakhe uThabisile amthinte kunombolo ezithi:
+26377408540
+263712978590
