uMthunywa
INKAMPANI yomculi wokholo ongasekho iphoxekile ngesithombe sowesifazane othethe eqhwakele ethuneni lakhe.
Isithombe sisabalale ezinkundleni zokuxhumana.
AbeNcwane Communications bathi ukuba yiqhawe losaziwayo kukaSfiso Ncwane akutsho ukuthi abantu abenze noma yini ethuneni lakhe. Bakutsho lokhu emuva kokuthi owesifazane okusolwa ukuthi ubeye komunye umngcwabo ngempelasonto ethethe umfanekiso emamatheka ehlezi ethuneni lakhe egqoke lezingubo ezimnyama. Ugxekwe kakhulu abanye, bembiza ngethatha lowesifazane ozifunela udumo.
U-Asanda Mpayise okhulumela iNcwane Communications uthe sebesibonile isithombe esibadumaze kakhulu.
“Siyavuma impela ubaba uNcwane ubewumuntu wabantu kodwa uma esetshonile kumele ahlonitshwe lomndeni wakhe. Siyazi ukuthi amathuna akudlalelwa kuwo. Lusisi asimazi futhi akasona ngitsho isihlobo emndenini,” kutsho uMpayise.
Owesifazane owenze lokhu owaseMgungundlovu kanti Isolezwe lilalo igama lakhe. Akatholakalanga ukuze aphawule ngaloludaba le-akhawunti yakhe kuFacebook igcine ingasaveli. Izolo unkosikazi kaNcwane uAyanda laye ufake isithombe sakhe esethuneni ebalisa ngeminjunju engapheli yokutshiywa ngumyeni wakhe.
Ufake isithombe ku-Instagram egobile encike ethuneni egqoke lezingubo ezimnyama. Isithombe sihambisana lombhalo othi: “Kusewusuku luka-54 kuphela kusukela wangitshiya umyeni wami kodwa enhliziyweni yami kusengathi yizolo. Ngisalizwa iphunga lamakha akho, ngiyazizwa lezandla zakho zingibambile njalo ekuseni. Ngifisa ngabe bekulendlela ethize yokubhekana laloluhambo. Mmmm kodwa wasitshela ukuthi ‘Wethembekile Baba,’ lami ngizobambelela kulokho. Lala kahle sithandwa sami. Gwamanda, Cebekhulu, Nogandaya, Nyamakayishi lamanje sisabuzwa ubukhona bakho.”
Kubonakala sengathi lesi sithombe sithethwe izolo njengoba lomfowabo uLungelo Gumede ebuye wafaka ezinye zabo kuFacebook ejabulela ukwamukela udadewabo obekubikwa ukuthi ubeseGoli. UMpayise ukuqinisekisile ukuthi uNkkz Ncwane ubeyile ethuneni lomndeni kodwa wangatsho ukuthi nini.
UMnumzana Mzi Mngadi oyisazi samasiko ukubize ngechilo okwenziwe owesifazane.
“Akuhlalwa ethuneni futhi aleqiwa. Akwenzile kuphambene lesintu lenhlonipho. Okwenza kuphambane kakhulu yikuthi ngowesifazane ohlale phezu kwethuna lendoda futhi okungeyona eyakhe longahlobene layo. Ngabe kuyezwakala ukube ngumkakhe uNcwane. Okungenani ubengashutha eduze kwalo,” kutsho uMngadi.
Uthe yize uNcwane ebengusaziwayo akusho ukuthi akulahlwe inhlonipho kucanaswe ethuneni lakhe. — Ubulembu
