uMthunywa
SITSHIYE abanengi bebambe ongezansi isehlakalo okutholakale kuso isidumbu somfana (3) silamanxeba okugwazwa eNew Extension, ePetrusville, eNorthern Cape, eSouth Africa.
NgoMvulo emini, unina waligane ube lengxabano lobelisoka lakhe ngesikhathi eyolanda impahla zakhe ngakibo kwesoka lapho abebehlala khona bobabili.
Ngesikhathi efika, obelisoka lakhe walile ukumvumela ukuthi athathe impahla okubangele ukuthi atshiye ingane ayedinga usizo, akwazi ukuthola impahla zakhe.
Lo owesifazane ubuye esephelekezelwa ngamapholisa kodwa wathola abengakulindele.
“Bahlangabezwe yisidumbu sengane silamanxeba amanengi okugwazwa emzimbeni. Umsolwa obecatshe ngaphansi kombheda, ubotshwe ngaleso isikhathi,” kutsho uCaptain Olebogeng Tawana okhulumela amapholisa eNorthern Cape.
Umsolwa oleminyaka engu-23 ubudala, uzavela phambi kukamantshi wePetrusville, ngecala lokubulala. – Isolezwe