uMthunywa
Thokozile Mbedzi
KULAMADODA amabili eFatima endaweni yamabhizimusi yeLupane abotshwe kuviki ephelileyo kulandela ukubonakala ethengisa impondo zendlovu ezine abezifake phakathi kwesaka.
UMalvern Chigume oleminyaka engu-33 yokuzalwa oweMaglass Township, eZvishavane lo Qondisani Ncube oleminyaka engu-20 wesigabeni seFatima, eLupane babanjwe lesaka ligcwele impondo zendlovu ku-layby ebucwadlana lezitolo zeLupane.
Ekhuluma lentatheli kaMthunywa ulnspector Glory Banda uthe babophe amadoda amabili kwathi amanye abaleka ethengisa impondo zendlovu.
“Kulamadoda amabili abotshwe ngamapholisa ohlangothi lwe-CID esebenzisana labeParks and Wildlife ngemva kokuba bethole udletshana lokuba kulamadoda athengisa impondo zendlovu.
“Ekufikeni kwabo bamisa imota khatshana bahamba ngenyawo sebephenyisisa ngodaba lolu. Inhlangothi lezi zenze umsebenzi wazo zincedisana phakathi kobusuku lapho ababona amadoda amane bucwadlana lezitolo bethwele isaka litshengisela ukuba okuphakathi sokuhlabe isaka kwaphumela phandle.
“Bathi befika emadodeni la bazichaza andubana bacele ukuhlola isaka labo ababili besizwa ukuthi ngamapholisa bahle bacela ezinyaweni bangena iganga kodwa ababili bahle babotshwa,” kulandisa uInsp Banda.
Impondo lezi kunanzelelwe ukuthi bezingela ngitsho lemaki eveza ukuthi zisemthethweni njalo kukhanye ukuthi zisanda kukhutshwa enyamazaneni.
Impondo lezitholakeleyo zibiza iUS$1 190 njalo zilesisindo se-7kg.
Amadoda la akhangelelwe ukumiswa emthethwandaba lamuhla.
