uMthunywa
Ngihlutshwa yisilumo
Khulu: Ngilohlupho ngileminyaka engu-24 ngihlutshwa yisilumo, ngicela ungincede.
Impendulo
Ngiyakunceda, sikhuluma sikhangelene ngoba angingeze ngakwelapha ngokubhala ephepheni, njalo isilumo esiduma sibi kakhulu. Dinga noma umuntu ongakwelapha.
Umkami utshiye endlini kubetha umoya
KHULU: Ke ngibuze? Kanti nxa abantu besehlukana kuyaliwa yini, kungani umuntu ethatha zonke izinto, engani ubesebenza eyedwa, uthi uyakukhawulisa? Khulu endulo yikho yini okwakusenzakala nxa abantu besehlukana ngoba lokhu ngilesithuli umkami utshiye endlini kubetha umoya? Silabantwana abathathu mina ngileminyaka engu-39.
Impendulo
Endulo kwakungenjalo. Isaliwakazi sasingasuki ekhaya, sasiphelela khonapho ekhaya kuze kuthi ubaba walapha ekhaya aphambanise azilibazise ngaso isaliwakazi, sitholakale sesilengane. Esakho isikhalazo simi kanje. Umthetho obusayo, awukuvumi lokho, ungaya emthethweni noma yiphi ipolice camp, ubatshele ngaloludaba bazamusa emthethwandaba labelane kuhle impahla zenu njalo bamfake ku-maintenance. Kengibuze ke ukuze enze njalo wena wawenzeni? Ngitshela ukuthi ingxabano yenu yayingeyani.
Sihluphana ngezocansi
Khulu: Ngingubaba ole-42 years umkami ule 41 kasafuni amacansi umasihlangana uthi ngifake i-condom. Sekugijimela umnyaka sihluphana ngale into. Uthi ngidinge umfazi osafuna amacansi ngiyamthanda umkami kodwa khathesi umoya wami usedela sengicabanga ukudinga phandle.
Impendulo
Ngicela ukuthi mzukulu wami ungizwisise, ulenhlanhla yamaswazi ukuzuza unkosikazi okutshela ngesimilo aseyiso sona engathi bhadla ukuthi ulento olayo njalo uyakuthanda kakhulu ukwedlula indlela wena omthanda ngayo asebona ukuthi ukuzisola kwakhe abonakalise ngezenzo ezinjalo. Ake umzame ukuthi lihambe eNew Start Centre liyehlolwa lobabili. Khonalapho iqiniso elimenza ale ucansi lizavela. Phela umuntu wesintwana ungamephula umoya ngokungaziphathi kwakho, uyawadela amacansi. Kukabili lokhu okuyinto.. kungenzakala ukuthi wakubona umi kubi wasedela ukwephula kwakho isithembiso esithi sofa silahlane. Mbuze kuhle ukuthi usolani, uthumele lomuntu omdala, ugogo okhulileyo ambuze ngalindaba. Ngiyakutshela izaphuma ngokwephuka ithemba. Okubuhlungu, ephuke ithemba ngenxa yendaba zokuzwa ngabantu. Mdinge omunye umuntu kodwa usodombo wakho abe nguye ohamba esiyacela lowomuntu abesebona ukuthi wena awulawo umkhuhlane akucabangela wona noma udinge yena ayekudingela omunye umuntu.
Sengisebenzisa isandla ngexa yendlala
Khulu: Indlala iyangibulala bengicela ukubuza ukuthi ucansi nxa litshadile lihlala lonke lonkosikazi linikana kangaki angeviki owami umfazi ungipha once a week. Indlala iyangibulala ngizacina ngintshontsha ngaphandle ngoba mina ngifuna phose nsukuzonke. Ngicina sengizebenzisa isandla ngitshadile.
Impendulo
Nxa kuthiwa isilisa siyehluleka emacansini kumele sikhombise kathathu ngobusuku lokho okuthiwa kanye ngeviki ngamanga lawo. Kumele kube yi-21 times ngeviki ngoba phela linto iluphilo lesilibaziso sentomozo yababili. Kutsho ukuthi ulechithamuzi emzimbeni wakhe. Yikho uyawubone abantu nxa besanda kuthatha, kuyimfanelo kube lommeli, umhambi wendlela yomthandano wabo ukuze labababili bethule izehlakalo zenjabulo yabo kuye. Ngiyaqinisa ngithi abantu kababuyele emasikweni nxa bethathana badinage umhambi wendlela yothando lwabo, usodombo, yiwo umehluko wokudonsa lokudonselana endlini yenu. Nxa sekunzima kuyaswelakala umuntu owokuthuma edabeni lolu. Asizonhloni ukubikela abadala nbgesenzo lesi asenzayo. Babikele ngoba ungatholakala usenza izinto zakho wedwa bengakwazi kusendulo bebezakupha umthanyelo ozamzalela abantwana.
Ngenzeni inzalo iyala?
KHULU: Linjani? Inzalo iyala sengize ngikhulile ngicenda Khulu.
Impendulo
Ngiyaphila mzukulu. Wendile yini, wake wacitha isikhathi eside ungendanga, uhambahamba yini? Wake wathatha isikhathi eside yini usidla amaphilisi okwehlukanisa inzalo ngoba khona lokho ngemva kwesikhathi eside kuyayivala inzalo. Kubekhona ukuthi inzalo iyala ngenxa yesilumo. Kuyadingakala ukuthi kube lomuntu okumisayo noma kuyikwelapha ngesikhiwa ubususiya kumadokotela akhathesi, awescan ubacele ukuthi kambe umgwaqo oya esibelethweni awuvalekanga na. Kakhulukazi kuyenzakala ukuthi kuvaleke umgwaqo oya esibelethweni. Endulo nxa kwasekwehlule inzalo ngezihlahla kwakusiba lezihlahla zokuvuthela noma ukuphozisa udade kanti isikhathi esinengi ukuvaleka inzalo kuyabathelwa imithi. Umcitho ubusuvuleka umthambo wesibeletho kuvuleke inzalo. Ukuvuthela lokhu kwakusenziwa zingcithsi hamba uyobabuza labantu bayayazi into esiyikhulumayo. Batshele ukuthi ufuna khona lokho. Ngiyakutshela uzangikhanuka.
