uMthunywa
LUKHUZA ibuya ngaphandle kwezinguquko kubantu ababonakala kulo uhlelo iThe Masked Singer South Africa yakuS3.
Loluhlelo olususelwe kuThe Masked Singer yaphetsheya, lubuya lesizini yesibili njengoba eyokuqala ibikhonjiswa ngasekupheleni komnyaka odlule.
Kuyo osaziwayo bacula bezifihlile begqokise okopopayi bese amajaji, abizwa ngabaseshi, ezama ukuqagela ukuthi bangobani.;
Kusizini edlule kwanqoba umculi waseThekwini, uHolly Rey.
Umethuli wohlelo ongusomahlaya, uMpho Popps, uzobuya esikhundleni sakhe. Kuzoba ngesifanayo kubaseshi labo ababuyayo okungoJ’Something weMicasa, Somizi Mhlongo, Skhumba Hlophe loSithelo Shozi.
Osaziwayo abazobe becula bezifihlile bangu-12.
Omunye wabanikazi beRose and Oaks Media ekhiqiza uhlelo, u-Anele Mdoda, uthe ulwazi oluncane olunikwa abasetshi ukuze bakwazi ukuqagela osaziwayo luzoba luncane kakhulu kulokhu.
“Empeleni yonke into izoba nkulu, ngcono futhi imangaze kule sizini. Abantu baseNingizimu Afrika bazothathwa yimisiko, iziqephu ezilendikimba, umndlandla wabaculi kanjalo losaziwayo abazobe bezama konke ukunqoba indondo iGolden Mask.
Sikhuluma ngezilomo kusuka kwezidume umhlaba kwezemidlalo, mhlawumbe ezinqobe indondo yomhlaba, kuya kwabadumile,” kutsho u-Anele.
Umongameli wePrimedia Studios layo engabakhiqizi bomdlalo, uJan du Plessis, uthe okuhle ngohlelo yikuthi labantu bakuleli babamba iqhaza ekuqageleni ukuthi ngobani osaziwayo abaculayo.
I-The Masked Singer South Africa izodlala njalo ngo-6.30 ntambama ngoMgqibelo, kusukela mhlaka 6 Mabasa.-Ubulembu
