uMthunywa
Thokozile Mbedzi
KULOMNTWANA oleminyaka emihlanu wesigabeni seSection 12 eTriangle obhubhe kuyonale iviki edluleyo kulandela ukulunywa yinyoka.
Kubikwa uPatience Sinhai oleminyaka emihlanu wehlelwe ngamashwa la mhlaka 17 kuyonale inyanga, esiya esivandeni lomfowabo oleminyaka engu-10.
Ekhuluma lentatheli kaMthunywa uNkosazana Sazini Moyo uthe lokhe betshe amathe ngesiga lesi.
“Abantwana laba babesiya esivandeni kwasekuthutsha inyoka yamluma kabili yanyamalala.
“Omunye wakhe oleminyaka engu-10 ebona lokhu wahle wacela ezinyaweni wayabikela uyise ngokwasekubehlele.
Uyise loba wazama ukuthi amgijimisele esibhedlela seCollen Sounders lapho athi efika kwathiwa usedlule,” kulandisa uNkszn Moyo.
Isikhulumi samapholisa esabelweni seMasvingo ulnspector Kudakwashe Dewa ebuzwa ngodaba lolu uqinisekisile ukuthi lwenzakele.
“Udaba lomntwana olunywe yinyoka wafa solufikile ehofisini yethu.
“Akukho okubi okucatshangelwayo kusehlakalo lesi,” kuphetha ulnsp Dewa.
