uMthunywa
KULENDODA yelizweni leGermany eyambule imbali etshwaqisa umzimba ngokulandisa indlela eyaquma ngayo umkayo iqatha emhlane andubana iyikhanzinge yahlanganisa lemibhida yazincindela kwangabi ndaba zamuntu.
Indlabantu le, uArmin Meiwes yetheswa icala lokubulala uBernd Brandes ngomnyaka ka2001 ngemva kokuthumeza umlayezo ebulenjini othi, “Ukudla kwantambama — kumbe ukudla kwakho kwantambama.”
Kumlayezo lo wazinikela njalo ukuthi uzakudla uBrandes ephila.
Khathesi uMeiwes useveze ukuthi isiga lesi wasenza njani ku-documentary ethi “ingxoxo lendlabantu.”
Uthe wacecisa itafula ngamakhandlela.
“Ngalelolanga0 ngakhipha imiganu yami emihle kulayo yonke, ngakhanzinga iqatha lelo — elomhlane wakhe — ngapheka amagwili kanye lemibhida. Sengiqedile ukupheka ngahlala phansi ngazitika.
“Ngiluma inyama le okokuqala yayingajwayeleki. Ngeke ngichasise ukuthi yayinjani. Besengileminyaka engu-40 ngifisa ukudla inyama le njalo ngiyiphupha.
“Ngokudla inyama yesithandwa sami ngazizwa sisiba nyamanye sihlanganiswa yinyama yakhe engangiyidla. Inyama yomuntu inambitheka njengeyengulube kodwa yona iqinile.’’ — Ubulembu
