uMthunywa
Joel Ndlovu
ABAFUYI benkomo sebexwayiswe ukuba baphe inkomo ezimithiyo ukudla okule-protein enengi ukuze zithole amandla njalo lenkonyane lazo zithole ukudla ezikudingayo.
Ekhuluma lentatheli kaMthunywa uMnumzana Never Verengera ongu-Agronomist kunkampani yeFarm and City Centre uthe inkomo emithiyo idinga ukudla okunengi okulama-proteins.
“Inkomo emithiyo ifuna ukugcinwa ngonanzelelo ngakho-ke kumele umfuyi abone ukuthi iyathola ukudla okwaneleyo okulama-protein ukuze ibe lamandla.
“Kuyadingeka njalo ukuba lokho kudla kube lama-nutrients adingwa yinkonyane ukuze ikhule kuhle,” kutsho uMnu Verengera.
“Inkomokazi ingazala ithole kumele iqhubeke ithola ama-protein amanengi ngoba kuyipha amandla okuthi imunyise,” nguMnu Verengera.
Uqhubekele phambili esithi ukudla kwenkomo okule-protein enengi kusuka kube lentengo ephezulu kakhulu okwenza abalimi abanengi bangayenelisi.
“Ngenxa yokuba ukudla okulama-protein amanengi kuyadula abalimi banganika inkomo zabo i-legume hay ngoba ilawo ama-protein adingekayo.
