uMthunywa
Khulu
Ihloka lami lincane
KHULU: Ngileminyaka engu-18 uhlupho lwami yikuthi ihloka lami lincane, lingathi ngelomfanyana ole-7 years. Kungabe kubangelwa yini lokhu? Nceda Khulu.
Impendulo
Kubangelwa yikuthi awuchasiselanga uKhulu wakho ukuthi ihloka leli liyaqapha na ngoba akulahloka elikhulu, akulahloka elincane kulindaba esiyiphetheyo. Okukhulu kulindaba yimizwa esebenzayo, ezala abantwana.
Kambe uyakwazi yini wena mfana ukuthi imuzwa okhokhelela esibelethweni awukho khatshana useduzane kakhulu?
Khonapho endlini yalo umsebenzi kulezinto ezinengi ezinjengalokho; umgwaqo womchitho, umgwaqo womophelo, umgwaqo wenzalo okukhatshana kokunye yikuphi khona lapho. Okuseduze kokunye yikuphi? Konke kusendaweni yakho. Ngaphandle kokuthi uhlale loKhulu lixoxe lindaba ngoba imfitshane lindaba ifuna ukunanzwa.
Ufuna siye emacansini kathathu ngelanga
KHULU: Linjani? Sengileminyaka eyisithupha ngendile njalo ngilabantwana ababili. Mina lobaba wangakwami sisebenza singekhaya. Khulu ubaba ufuna ukuthi sihlangane kathathu ngelanga, ngicina ngisizwa ubuhlungu ngaphansi. Kambe ngingabe ngiphambanisa yini nxa ngisala ukuhlangana laye? Uthi yena angangikhangela uzwa imizwa yakhe isithi sihlangane. Khulu ngimtshele njani ukuthi kunzima kimi lokhu?
Impendulo
Ngiyaphila mzukulu. Utsho wena ngelanga kumbe ngobusuku? Umlamulankunzi iminyaka eseliyihlale lonke kutsho ukuthi ngabe selilabantwana abathathu. Ngicela ucace mzukuluukuthi into le uthi yenzakala emini kumbe ebusuku.
Nxa kusemini abantu babesebedlala wuphi umdlalo ebusuku? Ngakho lesisenzo ngokwaso ngokupheleliswa kwaso sihle. Umuntu lo uyakuthanda kodwa ukuthanda kubi ngoba aluba lokhu ukwenza ebusuku lawe ubungeke wazikhathaza, ngakho ngikhulula utsho ukuthi kusemini kumbe kusebusuku. Bhala njalo ngikuncedise mzukulu.
Kodwa-ke wena qhubeka ngembeleko. Imvamo yabantu abanjalo bacina imizwa yabo isiqanda.
Angenelisi ukuthandana lentombi okwe 2 months
KHULU: Mina ngilohlupho, ngilijaha elileminyaka engu-19 njalo ngingathandana lentombi okwezinyanga ezimbili ngizwa ngingasayifuni ngibe sengidinga omunye lakho kucine kunjalo. Ngenzeni Khulu?
Impendulo
Wena mzukulu uyabe ungathandananga lentombi, uyabe ufuna intombi wena ungayithandi. Okokuqala mzukulu ibanga lakho lokuthatha kalikafiki, khangela amabhuku akho kuqala ulungiselele ikusasa lakho kanye lemuli yakho.
Lokho okwenzakala kuwe ukuthi ungathandana lentombi okwesikhatshana uzwe ungasayithandi kutshengisa mgceke ukuthi kawukakhuli njalo kawukalungeli ukuthatha, nxa isikhathi sesifikile awusoze uphinde ube lawo lowomuzwa olawo. Okwesibili nxa isikhathi sakho sokuthatha sesifikile ungagijimeli ukumbamba umzimba kanye lokuhlangana laye emacansini kodwa landela isintu uqale umvelele waziwe ngabadala. Ukuthandwa ngumuntu ayisikho ukuhlangana laye kodwa ukuhlonipha umuntu ngothando lwakhe umvelele kwabo kuyinto enhle kakhulu.
Kungakho zibambe size sifike leso sikhathi sokuba uyevela kibo kantombi. Ulenhlanhla enhle kakhulu eyokudibana lami, mina Khulu wakho. Masinyane nje unanzelele ukuthi ezinye iziduli zilamagenga, ezinye zilempolompolo, ezinye zilenyoka. Lapha-ke mzukulu ngikhuluma ngemikhuhlane ethelelwana khona emacansini kungakho-ke qalani lazane liyehlolwa igazi nxa selizakwakha umuzi wenu.
