uMthunywa
ABALINGISI bomdlalo uShaka-Ilembe babonga bayanconcoza ngendlela lumdlalo owamukeleke ngayo njengoba ngeSonto ukhonjiswe isiqephu sokuqala kuMzansi Magic ngo-8, ebusuku.
Lumdlalo utshiye inengi libambe ongezansi ngendlela oyiwona, abanye baveza ukungenami ngezinto ezincane abazibone kuwo ezingatheni, bathi bazoqhubeka bawubuke babone ukuthi kuzohamba njani njengoba uqhubeka.
Kusuka ngeSonto ebusuku lumdlalo ubusemlonyeni yabanengi ezinkundleni zokuxhumana bencoma abalingisi, indlela okugqokwa ngayo lendlela abalungiswe ngayo izinwele, indawo oqotshelwe kuyo, imizimba yabo lokunye.
Kumdlalo lo, abalingisi ababalisa uNomzamo Mbatha, Wiseman Mncube, Sibonile Ngubane, Khabonina Qubeka, Thandeka Dawn King, Ziya Xulu, bangabanye abanconywe kakhulu kulesi siqephu ngekhono labo lokulingisa.
Ekhuluma leSolezwe uSenzo Radebe, olingisa indawo yeSilo uSenzangakhona, uveze ukuthi kusekunengi okuzojabulisa ababukeli balo mdlalo usiya phambili.
“Basazomthanda umlingisi onguSenzangakhona, ikakhulukazi abantu besilisa abazithandelayo izintombi, angeke ngichaze okunengi okuzokwenzeka ukuya phambili kodwa ngingatsho nje ukuthi kusayiwa kude, izinsizwa aziwubuke lo mdlalo,” kutsho uSenzo.
Uthe isasasa elikhona manje kuyacaca ukuthi lisazoqhubeka.
“Lamanje angikakholwa ukuthi ngithole indawo enkulu kangaka, kodwa kutsho lukhulu kimi futhi umlandu lo angeke ngize ngiwulibale emkhakheni wami wokulingisa,” kuchaza yena.
Kulo mdlalo amabele kaNomzamo Mbatha abe yindabamlonyeni njengoba bekubatshazwa indlela ayiyona ezinkundleni zokuxhumana.
Abaningi bayitshayele izandla indlela yokugqamisa isiko lamaZulu, lokuthi izintombi lezinsizwa zazigqoka kanjani kudala.
Indawo kaZwide elingiswa uWiseman Mncube layo ngenye ekhulumise kakhulu njengoba abantu bebencoma indlela lo mlingisi azinikela ngayo uma enikwe indawo.
USlwane Mthimkhulu @Mtamerri uthe “Ngiwutshayela izandla umdlalo uShaka-Ilembe ngithathekile ngizwa ukuthi kulabantu abafana loNhlanhla Mtaka loBuzetsheni Mdletshe abalesandla kuwo. Okwamanje ngiwunika-10/10”. – Ubulembu
