uMthunywa
YiNtatheli kaMthunywa
INDUNA yesigabeni seLupane eMatabeleland North, uMabhikwa sikhotheme.
Induna uNichodemus Vusumuzi Khumalo obeseleminyaka engu-29 ukhotheme izolo ebusuku ngemva kokuba imota abehamba ngayo ingqikilane legonyethi.
Isikhulumi semuli uMnumzana Donald Khumalo, uqinisekise imbiko yokukhothama kwenduna uMabhikwa.
Ubike ukuba iNduna uMabhikwa idlule emhlabeni ngemva kokuhlangana lengozi yomgwaqo, emgwaqweni osuka koBulawayo usiya eFolosi ngezikhathi zabo 10 ebusuku ngeSonto.
“Induna uMabhikwa isikhotheme. Sizilile njengemuli. Ube sengozini yomgwaqo izolo ebusuku,” kutsho uMnu Khumalo.
“Ugijinyiselwe esibhedlela seSt Luke’s eLupane lapho abhubhele khona.”
Induna uMabhikwa, yabekwa esihlalweni ngomnyaka ka-2012 eleminyaka engu-19 ngemva kokukhithama kukayise ngo-2006.