uMthunywa
UBULELWA Javu (48) ukholwa ukuthi kulenyoka engabonakaliyo ehlukuluza indodana yakhe.
Inina leli elidinga uncedo elivela elokitshini leJoe Slovo, ePort Elizabeth.
UJavu uthe usevalweni ngoba kungenzeka umphakathi uhlasele indodana yakhe, uSiphosethu Canda (20) kumbe njalo ulakho ukuzilimaza.
“Indodana yami kayizange ivunyelwe ukuthi ibone isidumbu sikayise ngoba ephuze ukubuya esililweni ngomnyaka ka2012. Kusukela lapho kulenyoka esingayiboni ngamehlo emhlukuluzayo,” kutsho uJavu.
“Ngomnyaka ka-2013 samenqabela ukuthi azibophele andubana azame ukutshisa umkhukhu ngesikhathi mina labanye bakhe silele.”
Uthe wathi embuza ukuthi kutheni wamtshaya kodwa isimanga yikuthi wayethi utshaya inyoka efuna ukumluma.
“Ngiyesaba khathesi njalo angiphathekanga kuhle engqondweni. Kunyanga ephelileyo indodana yami yayiseHumansdorp njalo yabulala imota yomunye umama ethi ubone inyoka le.
“Khathesi ngibhadalela enye imota ayibulalayo futhi iR8 000,” kutsho uJuve.
“Indodana yami kayisebenzisi zidakamizwa kodwa inyoka le imhlupha kakhulu nxa edakiwe,” utsho kanje.
“Amadokotela athi kaphathekanga kuhle kuphela engqondweni kukanti izangoma zithi kulomuntu ofuna ngidubeke onguye obangela ukuthi indodana yami ingaphatheki kuhle engqondweni ngenxa yenyoka le.
USiphosethu walile ukuthathwa umfanekiso ngoba esesaba ukufaka impilo yakhe engozini.
“Kangikwazi ukuthi kwenzakalani kimi. Abantu bayangitshela ukuthi ngenze lokhu lalokhuya.
Esinye isangoma uMaqhekezengqele uveze ukuthi: “Imuli yonke ithukwe ngemimoya yabotokoloshe kanye langenyoka yemanzini.
