uMthunywa
Thokozile Mbedzi
KULENINA lelokitshini leMakhandeni elisele lidideke ingqondo kulandela ukuthola umnewabo oleminyaka engu-22 ezibophele ngesikipa lebhulugwe endlini yakhe yokulala ngesizatho esingaziwayo.
UElton Mpofu kubikwa utholakale efile mhlaka 26 Mpandula ngehola lesikhombisa ekuseni.
Ekhuluma lentatheli kaMthunywa uNkosazana Mavis Sibanda uthe bazwe umakhelwane wabo esehlaba umkhosi baphanga bayakhangela ukuthi seboneni.
“Umakhelwane samuzwa ehlaba umkhosi sagijima sisiyahlola safika sazithela phezulu kwesidumbu somfowabo silenga ephahleni lwendlu.
“Isimanga yikuthi wayezibophele ngesikipa kunye lebhulugwe lakhe elifitshane,” kulandisa uNkszn Sibanda.
“Silokhu sizibuza ukuthi kambe umfana lo ubesehlutshwe yini aze akhethe ukuthatha umphefumulo wakhe eleminyaka engu-22.
Okubuhlungu yikuthi kakho amtshelayo ukuthi kukhona okumkhathazayo loba nje ukuthi atshiye ebhale incwadi,” kulandisa uNkszn Sibanda.
Isikhulumi samapholisa koBulawayo uInspector Abednico Ncube ebuzwa ngodaba lolu uvumile wathi solufikile ehofisini yabo.
“Sichwayisisa udaba lwendoda ezibophele endlini yafa. Sixwayisa uzulu ukuthi adinge ukwelulekwa nxa behlangana lenkinga.
Abednico Ncube
“Kabaye ebantwini abadala, kubafundisi loba bafike kithi sibancedise kulokuthi bakhethe ukuzibulala,” kuphetha uInsp Ncube.
