uMthunywa
Khanyile Ndebele
IMIQWENTE iyafunakala emikulwini yethu sonke ngaso sonke isikhathi ngenxa yokudla okuhle elakho okulakho ukuphathisa kumpilakahle yabantu.
Umlimisi omkhulu uMnumzana Jilly Ncube ufundise abalimi ngendlela yokulima imiqwente.
Uveze ukuthi imiqwente ilula ukulima umlimi angazimisela. Uthe umlimi olima lesi silimo kumele enze imbundu engaba yi 15 kusiya ku 20 centimetres.
Ifologo agebha ngayo kumele itshone kakhulu nxa umlimi evula imbundu ngoba imiqwente ikhula ngaphansi komhlabathi, kungakho-ke ukutshonisa ifologo kwenza kube lendawo eneleyo yokuthi imiqwente ikhule kuhle.
Phakathi komfolo kufanele kube yi 5 centimetres besekuthi phakathi laphakathi komfolo kube yi10 centimetres kusiya ku 20 centimetres.
Uveze ukuthi imiqwente ayiwudingi umquba, iyazidingela umquba yona yodwa konke lokudla kwenhlabathi ngoba umlimi engafaka umquba imiqwente iyagcwalelwa zimpande imile kakhulu.
Uthe okunye okuqakathekileyo yikunanzelela ukuthi umhlabathi awomi ngoba lokhu kwenza imiqwente ingavuthwa kuhle kumbe ingamili ngoba umhlabathi usomile phezulu.
Kungakho-ke nxa izulu lingananga kufanele umlimi athelele kabili ngeviki njalo afake utshani phezulu ukuze umhlabathi uhlale uthambile.
Uphethe ngokuthi imithi engasetshenziswa ngumlimi ukuze avikele ukumemetheka kwezibungwana yiManathon leDiathote exotsha izibungungwana zonke ezingathanda ukuzokudla isilimo.
