uMthunywa
UMKHOSI omkhulu welanga lekhisimusi ususondela. Leli lilanga elikhulu elithakazelelwa ngumhlaba wonke hatshi iZimbabwe yodwa. Lilanga lokukhumbula ngalo ukuzalwa kukaKristu. Abantu abanengi bayalikhumbula njalo balihloniphe leli ilanga ngendlela ezehlukeneyo. Abakhonzayo baya ezinkonzweni, kuthi abanye benze amadili lemidlalo batshone bezikholisela. Yiso-ke isikhathi sokupheka ikhekhe leKhisimusi ngoba lona lifanelwe liphekwe kusasele inyanga ezimbili iKhisimusi ingakafiki lihlale lilokhu lihlanganisisa lanxa selivuthiwe. Imizi lezindlu zonke kalisweleki ikhekhe leli.
Abanye abantu bayalithenga ezitolo kuthi wena lami siziphekele. Lamuhla ngizakuthi fahla fahla ngokuphekwa kwe-khisimusi khekhe. Lawe-ke lipheke ukuze liphekeke njalo libe mnandi loqatshi. Khumbula ozenzela lona litshiphile kulelithengiweyo. Ikhekhe leli lilomnkantsho lohlonzi lijiyile lifakwa izinto ezinengi.
Christmas cake special rich
Okudingakalayo
1 Inkomitsho ezimbili lekota zezithelo okuthiwa yi-sultans lezi ziyathengwa ezitolo.
2 Inkomitsho ezimbili lekota zezithelo okuthiwa ngama-currants lazoke ziyathengwa ezitolo.
3 Inkomitsho eyodwa ye-glace cherrie.
4 Inkomitsho eyodwa ye-mixed fruits.
5 Inkomitsho eyodwa ye-glaced pineapple zaqotshwa iziqana nje.
6 Inkomitsho ezimbili lehafu zama-raisins.
7 Ihafu yenkomitsho i-brandy.
8 Ihafu yenkomitsho ikhofi engela chago.
9 Inkomitsho eyodwa lehafu itshukela okuthiwa yi-castor sugar.
10 Amaqanda ayisithupha (6).
11 Ukhezo olulodwa lomhluzi we-caramel.
12 Izigogwana ze-lemon elithengiweyo.
13 Inkomitsho ezintathu zefulawa engelambuliso
14 Ikota yokhezo lwetiye isawudo
15 Inkomitsho ezimbili zetiye ze-margarine
16 Inkezo ezimbili zetiye zemithikazana okuthiwa yi-mixed fruit.
17 Ukhezo olulodwa lwetiye imbiliso (baking power)
18 Umganu wokuhlanganisela
19 Igabha elikhulu lokubhekela lendlalwa iziqa ezintathu zamaphepha agcotshwa ngamafutha
20 I-oven etshisa ku-300 degrees
Ukupheka
Geza ezakho izandla lazo zonke izithelo uthele ibrandy lekofi
1 Tshaya i-margarine uthele itshukela
2 Faka iqanda ngalinye ngalinye aze aphele.
3 Thela yonke imihluzi yezithelo uhlanganise
4 Faka i-baking powder uhlanganise ufake njalo ifulawa.
5 Faka imithikazana uhlanganise
6 Thela inhlama yonke egabheni lokubhekhela ubusulifaka e-oven
7 Bheka amahola amane (4 hours) ku 300 degrees.
8 Khupha ikhekhe uliyekele liphole
9 Lifake egabheni uvale kuqine
10 Lifake icing ngemva kwamaviki amane (4 weeks) lidliwa mhla weKhisimusi bantu.
