uMthunywa
YiNtatheli kaMthunywa
INHLANGANISO yeEnvironmental Management Agency (EMA) ikhuthaza abanikazi bomhlabathi, abasebenzisa indawo zabanye kanye labalimi ukuthi baphatheke kuhlelo lokuvikela ukutsha kweganga njengoba ihlose ukwehlisa indawo etshayo ngesilinganiso se-25 phesenti kuwonalo umnyaka.
Kusitatimende obona ngokukhitshwa kwembiko uNkosikazi Amkela Sidange uthe, “isigaba sokutsha kweganga siqala mhlaka 31 Ntulikazi 2021, yikho nje sisenza isimemezelo lesi esiphuthumayo sokuthi abalimi, abanikazi bomhlabathi, abasebenzisa amasimu abanye, kanye lemphakathi yabalimi ukuthi benze njalo balungise indlela zokuvimba imlilo yendle”.
Amalungiselelo omlilo ajwayelekileyo aphanjaniswe lubhubhane lwe-Covid-19, kodwa kusetshenziswe indlela ezintsha zokuqinisekisa ukuphathwa kwemlilo njengoba ilizwe selizama ukulandela indikimba yesigaba semlilo yendle sika2021, “Imlilo yendle kanye lokuvikeleka kokudla-Ukuvikela isivuno’”.
UNkosikazi Sidange ungezelele wathi, “Indawo okuzagxilwa kizo kakhulu kuhlelo lolu, yilezo ezivame ukuhlaselwa kakhulu yikutsha kweganga ezibalisa izabelo zonke zeMashonaland kanye leManicaland. Inhlanganiso le isebenzisa njalo inkundla zayo zokuxhumana ezibalisa iFacebook, Twitter, WhatsApp, YouTube kanye le Instagram; kanye lobulembu babo ukusabalalisa ulwazi ngokuvikelwa kwemlilo yendle.”
“Inhlanganiso le iqhube uhlelo lokusabalalisa ulwazi emphakathini isebenzisa ama-posters, bronchures, flyers, stickers kanye lembiko yokuhlolwa komlilo.
