uMthunywa
BASAMANGELE abalandeli bemidlalo kamabonakude yelizweni leNigeria ngokudlula emhlabeni komunye umlingisi obethandwa ngabanengi uJohn Okafor obesazakala kakhulu ngokuthi nguMr Ibu, ngoMgqibelo ntambama ngemva kokuhlaselwa yisifo senhliziyo.
UMr Ibu obeleminyaka yokuzalwa engu-62, ubedume ngokulingisa kumidlalo kamabonakude ama-Nollywood Movies engumahlekisa.
Ngesikhathi sokwedlula kwakhe emhlabeni ubeselensuku elalisiwe ku-ICU esibhedlela se-Evercare Hospital, eLekki. Kuthe ngemva kweviki wagijinyiselwa esibhedlela se-Lagos.
Kuvele ukuthi nyakenye waqunywa unyawo olulodwa ngemva kokucela uncedo lemithandazo. Labo abakade besebenza laye batshengise inhlonipho komunye wabo, owadlala kumidlalo egoqela ethi, A fool at Forty and Issakaba, futhi wathola izicoco ezinengi.
Ukufa kukaMr Ibu kuhlangane lokomunye abake basebenza bonke uTolani Quadri Oyebamiji, obesazakala ngokuthi ngu-Sisi Qaadri, obhubhe ngoLwesihlanu wabekwa ngoMgqibelo e-Iwo, Osun State.
