uMthunywa
JOHANNESBURG — Umfundisi weDaveyton, eJohannesburg ophuzise abazalwane amafutha okuhlanza injini yemota, ngomunye wabafundisi abanengi abasebesenzisa indlela ezingajwayelekanga ukwelapha.
Iphephandaba le-The Star libone izithombe zikaTheo Bongani Maseko webandla leBreath of Christ Ministries enathisa abazalwane amafutha emota.
Kukholakale ukuthi lesi sehlakalo senzakale ngeSonto eledluleyo.
Sebebanengi abafundisi ababengondabuzekwayo ngokusebenzisa izindlela ezingajwayelekile ukwelapha amalunga amabandla abo, okubalwa kuzo ukubafutha ngesibulali zinambuzane, iDoom ukubadlisa utshani lokunye.
Engxoxweni abelayo lephephandaba ngoMvulo, uMaseko ukuqinisekisile ukuthi abazalwane banathe amafutha enjini yemota.
Ebuzwa isizathu salokhu, uthe lokhu ukwenza ukuze atshengise amandla kaNkulunkulu.
“Uma sikhulekela noma ngabe yini, buyaphela ubuthi kuleyonto. Ngakho ngeke ibalimaze abantu. Akukho okwenzakeleyo, akukho loyedwa osesibhedlela,” utsho kanje.
Kulalokho, uthe abanathe la mafutha belaphekile, basinda.
Uthe loJesu wasebenzisa amathe ukwenza udaka ukuze ezokwelapha impumputhe. — News 24
