uMthunywa
Ethel Ncube
UPHOSE wayakogoqwa nyawo obejolela umfazi eZhombe lapho umkakhe ebilise amafutha okupheka wamthela ngawo.
Indaba le yenzakale ngeviki ephelileyo lapho uMnumzana Taurai Hlahla ethelwe ngamafutha ngumkakhe uSobrin Ziyoni kubangwa ilizwi lomfazi elazwakala ecingweni lwendoda yakhe.
Kubikwe ukuba umetheswacala uSobrin Ziyoni wayelalele izingoma kumakhalekhukhwini kamkakhe lapho okwaqhamuka ilizwi lomuntu ongumama likhuluma, wahle kwaba lomsindo baqala ukungazwanani nge-audio le.
Midlands uInspector Emanuel Mahoko
UZiyoni kubikwa wacasuka ngokuzwa leli lizwi lowesifazane wahle wasukuma lapho waqonda emkulwini lapho afika wabilisa amafutha andubana aze lawo kumkakhe wafika wamthela ngawo.
UMnu Hlahla wathwalelwa esibhedlela lapho afika wadluliselwa esibhedlela seHarare lapho alaliswe khona ngoba esesimeni esibi. Umkakhe kubikwa wadliwa ngumswenya ngemva kokwenza kokumtshisa.
UMthunywa uxhumane lesikhulumi samapholisa eMidlands uInspector Emanuel Mahoko oveze ukuba abantu nxa belohlupho abakhulumisane.
“Sisacwayisisa ngodaba lolu. Umetheswacala ubalekile, sicela ongaba lemininingwane yakhe asazise.
Sithanda njalo ukukhuthaza uzulu ukuba angaba lohlupho kuhle ukuthi axoxisane ngesihle kulokuthi kulwiwe ” kuphetha uInsp Mahoko.
