uMthunywa
UMNYANGO wezeMfundo KwaZulu-Natal umise otitsha ababili besikolo se Mlazi Comprehensive Technical High (ComTech), abasolwa ngokujola lomfundi kulesi sikolo.
Isolezwe libike ngaloludaba ngeviki edluleyo lapho abazali babafundi baseComTech bebekhalaza ngokuthi bona bathumela izingane ukuthi ziyofunda, hayi ukuthi zijole lotitsha.
Umfundi kaGrade 12 wakhandwa ngabanye otitsha eqabulana lotitsha wesilisa endlini yangasese yomthaphowolwazi wesikolo ngoNtulikazi mhlaka 2.
Umfundi wabuzwa ukuthi kwenzakalani phakathi kwakhe lotitsha waveza ukuthi bayathandana futhi akusiye utitsha wokuqala athandana laye, ukhona omunye okusona lesi sikolo ayelobudlelwano laye. Izolo uNgqongqoshe woMnyango uMnu Kwazi Mshengu uthe: “Sihlale sitsho ukuthi ngeke sikubekezelele ukuba lotitsha abasebenzisa amandla abo ukuxhaphaza abafundi. Yingakho sithathe isinqumo sokumisa otitsha ababili abathinteka kulolu daba.”
Uthe otitsha abanengi bayawuthanda umsebenzi wabo futhi bayawuhlonipha, bazimisele ukufundisa abafundi kodwa kukhona labo abahlale befuna ukungcolisa lo mkhakha.
Encwadini ebhalwe ngumfundi, Isolezwe elilekhophi yayo, uthe akukona okokuqala ethandana lotitsha. Ngomnyaka odluleyo ubethandana lomunye kodwa babuye bahlukana.
Kuthe ngesikhathi sikathaqa sesigaba sesihlanu utitsha obanjwe eqabulana lomfundi wamvakatshela kubo, baqala lapho ukuthandana.
Ngokutsho komfundi ubudlelwano babo bebufana lobezithandani ezijwayelekile bexhumana ngeWhatsApp njengoba beze babanjwa beqabulana endlini yangasese.
