uMthunywa
Thokozile Mbedzi
ZILOKHU zinkemile izakhamizi zesiqintini seZibuko Alpha eMasvingo ngemva kokuba amadoda amabili engenele inina lomkalo emzini wabo, behlome ngombhobho.
Isehlakalo lesi senzakale mhlaka11 kuNcwabakazi ntambama. Kubikwa amadoda womabili la, uJacob Gwenhamo oleminyaka yokuzalwa engu-38 lo Takemore Maruvha (38) babehlominile ngovolovolo lwe-9mm pistol, bahlasela endlini kaZibuko Alfonso (41), abamthola elomkakhe.
Kodwa, ngomnyama, behluleka ukuthi bathole abakufunayo ngoba bagijinyiswa yizakhamizi lamapholisa.
Umfakazi oqotho ohlala kulindawo, uNkosazana Tabeth Sibanda utshele intatheli kaMthunywa ukuthi abakaze behlangane lesahlakalo esinje esiqintini sabo.
“Siyaqala ukuzwa ngokuhlaselwa ngoguluva abathwala imbhobho,” kutsho uNkszn Sibanda.
“Sibone into yamehlo. Ababili laba bathe sebefikile emzini kaZibuko, bahlangana lonkosikazi wakhe, owaphangisa wafuqa omunye wabo wavala umnyango masinyane.
“Omunye waboguluva laba wadubula emoyeni laphezulu kwesivalo, inina lahlaba umkhosi okwenza ezinye izakhamizi zagijima ukuze zizobona okwenzakala komakhelwane. Amadoda la Acela ezinyaweni esenanzelele ukuthi izakhamizi zibuya ngobunengi bazo. Babaleka beqonda endaweni yamabhizimusi eyaziwa ngokuthi kuseHuku Centre.”
Umfakazi lo uthe omunye wezazakhamizi walandela oguluva etshayela imota yakhe kodwa kwehlula ukuthi abathole. Kubikwa bacatsha egangeni, izakhamizi zabikela Amapholisa ngalokhu.
“Kusisa amapholisa aphenyisisa ngodabau lolu yikho ukuthola ukuthi oguluva laba bavele balamanye amacala amahlanu.Amapholisa enelisa ukubamba uJoseph Gwenhamo loMaruvha, abasuka bachaza ukuthi basebenza loFunny Manzini.”
Isikhulumi samapholisa eMasvingo u-lnspector uKudakwashe Dewa uthele iphephandaba likazulu ngodaba.
“Udaba lwamadoda ahlasele inina lomkalo siphezulu kwalo. Bobabili laba bahlasela bethwele umbhobho wohlobo lwe-9mm pistol. Abasolwa laba baphinda baveza ukuba balamanye amacala amahlanu ngaphandle kwaleli abalibotshelwayo.
“Amapholisa akhuthaza uzulu ukuba asebenzelane ndawonye lamapholisa nxa amacala afana njengalieli engenzakala,” kutsho u-Insp Dewa.
