uMthunywa
YiNtatheli kaMthunywa
KUBE nguMgqibelo omuhle kwabaswelayo, abangelandawo zokuhlala edolobheni lakoBulawayo benikezwa ukudla yinhlanganiso yeGo Sports Foundation.
Iqula le Go Sports Foundation linikeze ukudla kwemini ebantwini abedlula amatshumi ayisitshiya galombili.
Inhlanganiso le, ibhode idolobho kusukela emgwaqweni ka-3rd Avenue yaze yafika esilindelweni sesitimela.
Lokhu ngokwesibili inhlanganiso le inceda abampofu koBulawayo. Yanikeza izikhwama zokuthwala amabhuku abantwana abaphila lobugoga ngoZibandlela, ngoNhlangula yanikeza ingubo kubomama abaswelayo.
UMqondisi wenhlelo zeGo Sports Foundation kuleli uSibonokuhle Moyo uthe zinengi inhlelo abaziqoqileyo ezizalandela.
“Kunengi okusenhlelweni zethu esifuna ukusiza ngakho umphakathi, kodwa sivalelwe yiCovid-19. Ngithanda ukubonga iqula engisebenza lalo lomaqhuzu wenhlanganiso yeGo Sports Foundation uGuy Oldenkotte ngokusisekela,” kutsho uMoyo. – @NkosieLegend
