uMthunywa
Ethel Ncube
KULEMULI yeChimwara eduze leHalfway edinga uncedo ngemva kokuba omunye welunga lemuli etshiye amawele amabili ngesikhathi ebeletha.
Umuyi uNkosazana Jester Ncube ubelethe ngenyanga ephelileyo ekilinika yesiHlengeni wadluliselwa esibhedlela seUnited Bulawayo Hospitals (UBH) lapho afike wabhubha khona watshiya amawele. Amawele la asele egcinwe ngugogo uBongani Ncube oleminyaka engu -60 yokuzalwa.
Ekhuluma loMthunywa uNkosazana Judith Ncube olilunga lemuli uveze ukuba abantwana laba badinga usizo.
“Umuyi wabelethela ekilinika kuthe sokunzima bamgijimisela eUnited Bulawayo Hospitals (UBH) koBulawayo lapho afika adlula khona watshiya amawele amabili la athathwa ngugogo wahamba lawo ekhaya eHalfway.
“Ugogo uvele ulabanye abazukulu abatshiywe ngumuyi abakhulu abane ngaphandle kwamawele la kungakho-ke ukubakhangela kunzima,” kutsho uNkszn Ncube.
Uqhubekele phambili echaza ukuba imuli le idinga usizo ukuze abantwana banakekelwe kuhle.
“Abantwana laba babelethwe mhlaka 22 kuMpandula badinga izinto ezinengi ezibalisa uchago, izigqoko lokudla kanye lokutshiyeneyo.
“Sicela abangafisa ukuphathisa ngokutshiyeneyo bancede ukuze abantwana bakhule kuhle njalo bathole konke okudingakalayo,’’ kuphetha uNkszn Ncube.
Abafisa ukuphathisa bangathintana loNaTawa kunombolo lezi 00263771044211 kumbe bafinyelele emahofisini kaMthunywa ku9th Avenue loGeorge Silundika.
