uMthunywa
Idlozi lobusela
Nangu omunye umfana efikelwa lidlozi lokuyatshontsha esibhedlela, afike khona angene ngewindi athole kulemihwabha eminengi. Nango sesidla imihwabha umfana athi esesuthi abesiyaphuma emnyango ethi uyabheka emnyango abone kubhalwe “WELCOME TO THE MALE CIRCUMCISION WARD”. Ngokubona kwakho ubona angani wayedleni?
Yiliphi isela?
Ngicela kelingiphendule lumbuzo yiliphi isela phakathi kwababili? UNgqabutho uthengisa inhlanzi $10 for 3 kuthutshe uThembani ehamba ngemota abone mpela inhlanzi zinhle athi, “Zwana mtshana ngiyazifuna lezo nhlanzi ngicela uzifake ebhuthini ubuye ngikuphe imali yakho. UNgqabutho nango efaka inhlanzi ngaphansi kwemota wasevala ibhuthi engafakanga lutho, nxa ethi uyabhoda ngakuThembani ukuthi ayephiwa imali uThembani abaleke lemota engabonanga ukuthi inhlanzi kazifakwanga emoteni. Yiliphi isela lapha?
Umama ubhalela ingane yakhe uNathi osejele incwadi
Kuwe Nathi mntanami ngibhala incwadi le ngikwazisa ukuthi sekuyisikhathi sokulima manje njengoba ngingedwa ngizolima lobani usejele?
Impendulo
Nathi: Kuwe mama hamba engadini uyogebha i2 miliyoni engayibotshelwayo uthenge ukudla ukhohlwe ukulima.
Amapholisa athathe incwadi ayifunde athi eqeda ayidabula aqonda ekhaya kubo kaNathi.
“Mama sicela amapiki lamafosholo sizosetsha. Umama ngokuthula abaphe baqonde engadini bagebha ingadi yonke lutho . . .
UNathi wabhalela unina incwadi yesibili wathi;
“Mama uzibonile izisebenzi engikuthumele zona sungahlanyela kuphela ngoba sezilimile.”
