uMthunywa
1 MANTSHI: Mnumzana Ndlovu ulecala lokutshaya abantu abangu-5 ngemota wabatshiya belimele.
Ndlovu: Kodwa nkosi mina ayisikho lokhu engangifuna ukukwenza.
Mantshi: Pho manje wawufuna ukwenzani?
Ndlovu: Esandleni sokudla kwakulabantu abangu-4 kwesenxele kwakuloyedwa, ngabona kungcono ukuthi ngitshaye oyedwa kwesenxele.
Mantshi: Lo wawungamboni kodwa manje laba abanye abangu-4 wabatshaya njani.
Ndlovu: Yikuthi lowo oyedwa wasuka wabaleka waya kulabo abangu-4 ngathi sengimlanda ngacina ngitshaye labanye abangu-4.
2 KWAKUTHULE kuthe zwi emtshoveni kusekuseni abantu besiya endaweni ezitshiyeneyo, kwezwakala omunye umntwana owayephethwe ngunina ebuza, “kanti vele mama siyanga ekuseni kangaka singagezanga.” Ungadlali ngomqando.
3 UMELUSI eseyangekile ngelinye ilanga ukuba akazake avakatshe lentombi yakhe beyetshaywa ngumoya wabona kungcono ukuba ngeSonto behambe ePark bebabili beyezihlalela loba uMelusi wayengelamali. Bathe behlezi uMelusi watshela intombi yakhe ukuba wayesabadingela amanamunede okuthi banathe. UMelusi wayengenelisi ukuthenga amanamunede amabili ngakho wathatha igabha leSprite wathela amanzi wathenga lefanta eyodwa.
UMelusi uthe ethutsha inkazana yathi “ubusazinjani ukuthi ngithanda iSprite ngicela yona wena uzanatha ifanta”.
