uMthunywa
YiNtatheli kaMthunywa
ABALIMI bakhuthazwa ukuthi bazame ukulima inhlanyelo yehanyanisi ye Charter Seeds Irati Onion okuyinhlanyelo enika umlimi isivuno esiphezulu kutsho enye ingcitshi.
UMnumzana Divah Phiri ongu Agronomist kunkampani yeCharter Seeds uthe ngokulima inhlanyelo ye-Irati umlimi angavuna anathani angu-50 kuhekitha elilodwa.
Phezu kwalokhu ihanyanisi ye-Irati ilakho ukugcinwa okwensuku eziyisithupha zingonakalanga njalo ilakho ukuhlanyelwa ngesikhathi somqando kanye lakwezinye indawo ezikhudumalayo elizweni. Ukuvuthwa kwayo kuthatha insuku ezingu 105 kusiya ku 110.
Kusenjalo abe-Agronomy bahlala bekhuthaza abalimi ukuthi bangene ku-horticulture kanye lasekulimeni imibhida njengendlela yokwenza isiqiniseko sokuthi bathola imali ngaso sonke isikhathi.
Ngaphandle kwalokhu kwengezelela imali umlimi ayitholayo ngaphandle kokulima izilimo ezifana lomumbu, utshinda kanye legwayi.
