uMthunywa
Blessing Moyo
AKUBIZWA ozwayo embukisweni wokuzijabulisa eThe Place lapho okuzabe kulomcimbi weHalloween Old School njalo kuzabe kuqhunsa amaDj amane abalisela uEmity Smooth, Babongile Sikhonjwa, Mark Vusani lo Joe.
Umbukiso wokuzijabulisa lo uzakwenzelwa eThe Place ngoLwesihlanu mhlaka 28 Mfumfu kuwonalo umnyaka.
Ekhuluma loMthunywa uMark Vusani ongomunye wama DJs azabe eqhunsa ngoLwesihlanu uthe ngengamaDJs baphakamisa umculo weOld School koNtuthu.
“Siyimbumba yamadoda amane akhonalapha koNtuthu abalisela uEmity Smooth, Babongile Skhonjwa, Joe lami saqala ukwenza amagig awe Old School kuwonalo umnyaka. Siyenza umkankaso weOld School ngoLwesihlanu ekupheleni kwenyanga. Enyangeni ezine ezidluleyo besisenza ama-gig labasakazi be-radio abafana labo NomaDaQueen leZiFM Stereo, Witness Mathema loDJ Flabba.
Kulinyanga siyabe siloKaycee the gigmaster uDJ osezakhele ibizo khonalapha koBulawayo laseHarare waqalisa izinto zezingoma ngomnyaka ka2000 wadlala amagigi amanengi ngaleso sikhathi abalisela eVisions, Savanna’s lase Windermere khonalapha koBulawayo.
Sinxusa wonke umuntu senze umdlalo lowu waba yiHalloween sisenzela ukuthi abantu babelomfutho wokuthi bagqoke bacece nge Fancy Casual Halloween Style.
Ingoma zeOld School zingoma ezihlala zihlabusa njalo zingalalelwa yiloba ngubani. Abantu kumele babuye ngobunengi babo bazolalela ingoma ezimnandi njalo ezilesizotha. Amatikiti okungena atholakala eVivo, Alabama Kanye le-The Place.
Kulabo abazaphangisa ukuwathenga bazawathola ngemali engange US$5,” kuphetha uMark Vusani.
