uMthunywa
Nkosilathi Sibanda
ONOMPEMBE abangamatshumi ayisitshiya galombili azaholiswa i$2000 munye ngamunye, kutsho inhlanganiso yeZimbabwe Football Association.
IZifa ithe ikhathazekile ngokuthi igcikwane leCovid-19 selihlasele lempilakahle yabonompembe abaphila ngenguqu, okuyikhona okwenze ukuthi ibancede ngokuyimadlana ukuthi baphilise lemuli zabo.
Isikhulumi seZifa uXolisani Gwesela uthe linhlanganiso ibophe izinqumo ezinengi zokuthi izisebenzi labadlali benguqu bathole ukuhlaliseka.
“Onompembe bethu abangu-80 bazabhadalwa ama- allowance eZWL 2 000 munye ngamunye njengoba bekhona abanye babo abangaqhatshwanga kweminye imisebenzi.”
Phezulu kwalokhu, iZifa izabhadalela abenguqu imfanelo okumele iyekuSports and Recreation Commission.
“IZifa izabhadala imali okumele iye kuSports and Recreation Commission (SRC) eyabadlali lenkokheli zenguqu ezifika 24 500.”Le yimali ezahle ibhadalwe ngokuphangisa,” kutsho umbiko okhitshwe nguGwesela.
