uMthunywa
Desire nkololo waBanda
Kwakabe kunaDambuza, nlumetate whoyo wake aka pfuwa enanzi nkulu kupinda yose mu tjaba. Wake atjikwegula nekadzikulu tjitje BaNgwadi, Bake bena bana bakula, bayisana batatu, bali, Tangisani, Tabona na Tabepo. Tangisani wake atjipindigwa nelubaka gwekuti awane nlongo, waka ali iye mbano, banun’una baka lobola beka thama zwina mano iye aka kaabala. Awu lake lili gotja mbila, tsamwina zwalo, ngono kwake kuti ape kwa hanganiwa kanyi bali bose Tangisani ebhakhwa nehoni dze zwingudzila zwimbalo nekumwe.
Yakawumpanda khani ye salobola kukwe kadzina edzamula mwanana wakaMposela. Ngono apa munzi waDambuza kwake kuna BaNgwadi, wholokoto yekadzikulu. Balongo baTabona naTabepo swika kwabo kwakabe ne dziritsiri le ndebeleko yebuloyi, bakalamba ngina mulukawu gwebuloyi gwetjabanyana tjaka kombeledza Dambuza. Kwaka tanga kulimidzimu ye humba kuhingwa tjintu kakale kutebelegwa nezila yakhona. Kutjatiwa nezila yakwako, zwipfuwo zwaka zwalana kwazo kukalimiwa banhu bekafuma, kwaka koti kwanginila fupa mubalanda kukatanga tiwa zwakaleleka, kutshambidzigwa bamwe, kufuma bakaLibilibi. Midzimu yefumwa yakahanduka buloyi, ndizo kwakajalo munzi waDambuza, BaNgwadi wake eseka masikati koga, busiku epandukila baahwa esekesa.
Nlongwana waTangisani swika kukwe wakabva alala akumbiwa busiku, ngono koloyi yakabinga ngwele ayitotongo senga zwitina muzila, wakalandula eti hule kwabo hakilani ngeno wakano layiwa na bamhadzi babe bakaMpunyuka, waka aka binga ludo nembako. Mahhuba aka yenda mwana waMposela alinlongwana akapakatila kutjatiwa tjiKalanga tjose. Kutikala zwose zwezwi Tangisani wake abe muJanzibeli. Nlongwana uwe wakalabuka nedzivula newhuni. Kwakajita umwe mbisana wakaSindisa, wakagala wakabe ewhanana nenlongwana waTangisani, wakawutjekela kumatsime aka tjelela nekumapili. Hanganya kwabo meho kwakabva kwabe nlandu, kojalo baKalanga, kwagala nlandu unofumula ngubo ungina ukwitidza, awu nlandu uwolota zwawo dindindi ipapo uli ntaya mungubo dzakaLibilibi, senhu nenhu uwe bakatanga khwibana, bekhwibana lili mpani.
Pansuma yaThekwane hoko dzakatongo bona kumwe, kana bake babe nezwimba lemisi yose. Nlandu pehhugwi kwenlandu, nlongwana waTangisani waka bhata mimba akajalo etjaka pakatila. yake yabe imwe ndebo. Mbisana wakati owha tjamba tjihuba makavu kusi hhihha, ekabva angina pasi ebgwilila kuJanzibeli, nlongwana waTangisani wakama n’holo, wakaziba kuti kuna nhu un’ompela ungawumbhatsa hule kwe nlandu ungapa. Kwake kuliBaNgwadi wholokoto yemalipiti, hule kwema hhubanyana kwakabe netji nyembwele tjinohemesa, nlongwana akasala hule BaNgwadi,
Wakazwibhuzwa kuti “bunhu gweni gunotiwa nakatsi tji dana mbeba kuyi hha tizane tose”. Bhitipiti laTangisani lakabva lagala pehhugwi kwendebo, liti latjikumbula zwakanaka ne ndebo ya hule yake iti ngaangine kubuloyi gwaBaNgwadi, bakalala babvumilana kuti nlongwana wotjootanga buloyi, tjimuka tjakhona baligele pantunzi.
Nlongwana wakabva amilidza ndebo inoti “towo tanga hingidzana koga namibo ndokumbila undibudzile Tangisani kuti ndokumbila mazwibhatigwa nekuti wakagala anditola ndina mimba!!!
Lungano gowoyendela mbeli gole linohha, ndotjemela bayisana kuti letjani dzamula mubige moyo ape mabona mhandala, mutange mayizibiba kuti unhu wakatini.
Mube neGoledzwa lakanaka.
Kalanga Language and Cultural Development Association [email protected] +263 772 610 726
