uMthunywa
Itiye ayimnandi nxa uyinatha iyodwa nje, idinga ukuphekelezelwa yikudla okunjengamakukisi. Yikho-ke ngizakuthi fahla fahla ngawo lamuhla. Wona alemihlobo eminengi lapha ngizalipha imihlobo emibili.
Ezimnandi zamakukisi (delicious cookies)
Okudingekayo
1.Ihafu yenkomitsho imajarina
2 Inkomitsho yetiye yetshukela elimhlophe
3. Amaqanda amabili
4. Inkomitsho yefulawa engelambiliso
5.Inkomitsho yama-raisins kumbe mixed fruits
6. Amazambane acacadiweyo ahlutshwa izikhumba aqotshwa
7.Inkezo ezine zokudla impuphu yekhokho (cocoa powder)
8. 1 and quarter yokhezo lwetiye, isawudo
9. Ukhezo lwetiye lwembiliso (baking powder)
10. Itshukela (icing sugar)
11. Udengezi lokubhekela
12. Umganu wokuhlanganisela
13. Isitofu esile-oven
Ukwenziwa kwamakukisi
1. Faka imajarina emganwini uthele letshukela kancane kancane uhlanganise.
2. Bulala iqanda ngalinye ngalinye utshaye uhlanganise
3. Sefa ifulawa ikhokho, isawudo, lembiliso uhlanganise ndawonye okomzuzu owodwa.
4. Gcoba udengezi lokubhekela ngamafutha njalo wendlale iphepha kulo.
5. Thela yonke inhlama odengezini
6. Faka udengezi ku-oven etshisa okungaba yi 350 degrees. Yekela kuvuthwe okwemizuzu engamatshumi amathathu (30min)
7. Khupha udengezi ku-oven uyekele kuphole
8. Nxa sekupholile sika izincezwana ezingango munwe uzigiqe etshukeleni (icing sugar) dlana ukholise.
Amakukisi afela emlonyeni (Melting moments)
Okudingakalayo
1. Inkezo zokudla ezine umajarina kumbe ibhata
2. Ihafu yenkomitsho icing sugar
3. Ihafu yokhezo lwetiye ivanilla essence
4. Inkomitsho ifulawa engelambiliso
5. Inkezo zokudla ezinhlanu zefulawa ethiwa yi-corn flour
6. Inkezo zetiye ezimbili zembiliso
7. Ikota yokhezo lwetiye isawudo
8. Izithelo cherriesumganu wokubhekhela
9. Amafutha wokugcoba umganu, isitofu esile oven
Ukwenziwa kwamakukisi afela emlonyeni (melting moments)
1. Hlanganisa imajarina kumbe ibhata letshukela utshaye ubonda ndawonye kuze kube luyacayaca. Ulokhu utshaya bulalela iqanda ngalinye ngalinye uphinde ufake ivanilla essence uhlanganise.
2. Sefela ifulawa (corn flour), isawudo, impuphu yembiliso (baking powder) phezu kobundubundu lolu
3. Hlanganisa kakhulu ukuze zonke izinto zihlangane ngokupheleleyo
4. Gcoba udengezi (baking tray) ngamafutha uphinde wendlale iphepha lekhakhi elilingana lodengezi ubusuvuvuzela ifulawa.
5. Khathesi thatha inhlama ngokhezo lwetiye uyifake odengezini ize iphele uyibhekha nganye nganye ize iphele.
6. Faka udengezi ku oven ubheke okwemizuzu elitshumi kusiya kutshumi lanhlanu
7. Khupha ku oven uyekele kuphole. Dlana amakukisi 9cookies) ukholise unathise itiye yakho.
