uMthunywa
KUDABA olungundabamlonyeni kulabathetheneyo beMacheke ababotshwe besolwa ngamacala okuhlukuluza abantwababo emacansini omunye oleminyaka engu-8, kukanti omunye uleminyaka engu-11.
Indaba le iphumele egcekeni ngesikhathi abantwana laba ababevakatshele umalumabo koMutoko bekhandwe belingisela ababekwenziwa ngabazali babo.
Izithandani lezi ezihlala epulazini leHowgate sezibotshiwe, njalo zimiswe emthethwandaba ngoLwesithathu zisetheswa amacala okudlwengula.
Kubikwa unina wabantwana laba wafica umkakhe oleminyaka engu-41 edlwengula indodakazi yabo eleminyaka eyisificaminwe mibili endlini yabo yokulala kodwa kazange abikele amapholisa ngakho.
Inina leli kubikwa lalo ngokufanayo labamba indodana yabo eleminyaka engu-11 yokuzalwa. Kubikwa esinye sezehlakalo zakhona senzakala ngomnyaka ka2021, lapho abizela khona umntanakhe lo ongumfana endlini yakhe yokulala andubana amhlukuluze.
Indaba lezi ziphumele egcekeni umalume walaba ababili, ababemvakatshele eMutoko ebakhande belingisela wathi esebabuza bachaza ukuthi lokhu bahlala bekwenziwa ngabazali babo.
Abantwana laba sebethethwe ngabe Social Welfare kulindwe ukuba indaba le iphele.
