uMthunywa
UMGADLI weLiverpool, uMohamed Salah wenze imbali ngokuba ngumdlali osehlohle amabhola angu-129, esephula irekhodi ebeliphethwe nguRobbie Fowler obele-129.
USalah wenze lokhu ngeSonto ngesikhathi ehlohla emdlalweni lapho iLiverpool enqobe khona iManchester United nge 7-0.
Umdlali lo odabuka eGipite, uvalele phakathi amabhola amabili, waphinda waba ngumdlali owedlule bonke.
Manchester United
USalah ube ngumdlali wokuqala weLiverpool ukutshaya amabhola emdlalweni eyisithupha kulandelana bedlala leMan United. Amanye amabhola ahlohlwe nguDarwin Nunez (2), Cody Gakpo (2) loRoberto Fermino (1) okubikwa ukuthi uzatshiya kuLiverpool ekupheleni kwale sizini.
Amabhola ahlohlwe nguSalah kulumdlalo amenze waba ngumdlali olamabhola amanengi kumbali yeLiverpool.
Ekhuluma le-Sky Sports uchaze impumelelo yakhe njengephupho abelambele ukulifeza.
“Kubalulekile kakhulu kimi, angifuni ukuqamba amanga. Ukuphula leli rekhodi bekuyisifiso sami selokhu ngafika kuleli qembu. Ngijabule kakhulu.”
Umdlali lo, owake wagijima kuChelsea, uphethe lerekhodi lokuba ngumdlali we-Africa osehlohle amabhol aamanengi kulabo bonke kuPremier League. Ulamabhola angu-131 nxa kuhlanganiswa lamabili awatshaya esadlala kuBlues.-Ubulembu
