uMthunywa
SIYAHLANGANA kule iviki njalo bafundi. Qhubekani lifunda ingwalo zenu ukuqeda imihloliso akutsho ukuthi seliqedile isikolo.
Asikhangelenini impendulo zomsebenzi wethu wolimi engalitshiyela wona kuviki ephelileyo.
1. Litshongololo
2. Yingwe lenja
3. Yinyoka/ngumthakathi
4. Yimpisi
5. Lixoxo
6. Yimvubu
7. Yisivunguzane
8. Yingidi
Asikhangeleni umsebenzi wakuleli iviki.
Kuyini lokhu
a. Inyama ephekwa iyekelwe iphole ize idliwe ngakusasa isiqanda
b. Amanzana la anembulukayo alapha okuhlangana khona amathambo njengedolweni
c. Umfana owehlula abanye ekweluseni
d. Lokhu okufakwa emakhaleni eguqa nxa limunyela inkonyane
e. Imithi edliwa ngabafelwayo
f. Umchilo wabelusi owelukwa ngenxoza
Sizahlangana njalo ngeviki ezayo.
Bafundi thumelani impendulo zenu kunombolo lezi 0773675473 kumbe ku-0778520007 ngeWhatsApp loba ngeSms. Ufake ibizo lesibongo sakho, ukuthi ukuliphi ibanga lokuthi ufunda kusiphi isikolo. Thumela njalo lomfanekiso wakho. Kuphephandaba lakuviki ezayo sizafaka impendulo zakho kanye lezithombe zenu.
