uMthunywa
SESINGENILE kunyanga yomqando bafundi, asikhumbuleni ukugqoka sikhudumale. Siyaqhubeka njalo ngezifundo zethu zesiNdebele.
Ngizaqala ngokulipha impendulo zomsebenzi wolimi engalitshiyela wona kuviki edluleyo.
1. kalihlekwa
2. kabuphangwa
3. kalahleki
4. inyoni
5. lazikhotha emhlane
6. iganyulwa ezizweni
7. indwangu
8. uphelela esiswini
9. uthango
EsiNtwini kulolimi esilusebenzisayo ukuze ulimi lwethu luhlabuse. Inkulumo ezilandelayo ungazisebenzisa nxa ubhala indaba yokuzibumbela. Tshono ingcazelo yamagama alandelayo:
Isibonelo: Ukuwumana yikuqamba amanga. Lapha-ke:
1. Ukusengela emlonyeni
2. Ukubeletha izinyawo
3. Ukulahla ithemba
4. Ukutshayela ihlombe
5. Ukubangwa lezibi
Sizahlangana njalo kuviki ezayo zihlolana ukuze sibone ukuba siyasazi na isiNtu sethu.
Bafundi thumelani impendulo zenu kunombolo lezi 0773675473 kumbe ku-0778520007 ngeWhatsApp loba ngeSms. Ufake ibizo lesibongo sakho, ukuthi ukuliphi ibanga lokuthi ufunda kusiphi isikolo. Thumela njalo lomfanekiso wakho. Kuphephandaba lakuviki ezayo sizafaka impendulo kanye lezithombe zenu.