uMthunywa
SEZIJIIKE ukwenza izintokazi ezingaseyizo ntombi nto njengoba seziqhamuka lamasu okuphendukisa ubuntombi bazo.
Kubukeka sengathi izinsizwa ezisafuna ukulobola zisazoke zitshaywe ngemfe iphindiwe uma zifuna ukuthatha intombi nto.
Kubikwa sekulula nje ukuphendukisa “ubuntombi nto” kulabo asebalahlekelwa yibo.
Sekulezitolo ezithengisa okusazihlahlakazana zentshonalanga okubuyisela isimo sesitho sangasese sowesifazane kube sengathi akakaze athintwe ngumuntu wesilisa. Phakathi kwalezi zinsiza zokubuyisa isitho sowesifazane esike sathintwa yindoda, kubalwa i-Artificial Hymen Kit, ukuthungwa kolwelwesi esithweni sangasese, ukufaka iphilisi elitshwahikwayo elihambisana lokusagazi.
Konke lokhu kwenza owesifazane abe lezimpawu zokuthi useyintombi nto.
Ukuthungwa ngodokotela ezibhedlela kubiza imali elinganiselwa ku-R24 000 kukanti amaphilisi lokusagazi kutholakala lula ezitolo zamaChina.
Le mithi inconywa ngokuphendula isitho sowesifazane sibe ngesentombi nto. Isematheni lemithi kulabo abasuke befuna ukuhlaba umxhwele amasoka noma umyeni ngosuku lokuqala.
Phela basuke befuna umlisa azitshaye isifuba ngokuthola intombi egcweleyo. Uma ngabe uzolobola, agcine ezitshaye zonke ecabanga ukuthi uthole itshitshi kanti kudlalwa ngaye.
Le mithi iyizitaphutaphu ezitwaxekwa ngaphansi ukuze isitho sowesifazane sangasese sibuye futhi ophe uma ubaba esengena.
Ngaphandle kwemithi kukhona lamaphilisi okwenza lokhu. Abalemali baye banikele kodokotela beyothungwa ulwelwesi olusesithweni sangasese.
UDkt Bongani Nxumalo uthe into yokuqala abantu okufanele bayazi yikuthi akusibo bonke abantu besifazane abazalwa belolwelwesi oluvale isitho sangasese sowesifazane ngaphakathi.
“Bakhona abazalwa lalo kanti futhi abanye ababi lalo. Indaba yokuthi uma kuhlolwa ubuntombi kubhekwe lona iyinkinga ngoba abanye basuke bengelalo ngokwendalo. Umuntu owazi kabanzi ukuthi uyintombi noma cha nguye uqobo.”
Uthe igazi eliphuma uma owesifazane esecansini okokuqala, kwabanye aliphumi. Lokho akutsho ukuthi basuke bengasaphelele, kodwa kungenxa yemizimba yabantu engefaniyo.
“Kubalulekile ukuthi abantu bazi ukuthi uma ubuntombi sebuphelile, ayikho indlela yokubuphendukisa. Phelile phelile.”
Mayelana lemithi edayiswa ubuthaphuthaphu lokuthungwa okwenziwa ngodokotela, uthe kuyizaba nje zabantu abasuke bexakekile ezicebisa labo abazisungulile.
“Lokhu ngingakufanisa lezikhangiso ezivame ukubonakala zalaba abathi bakwazi ukukhulisa induku, ayikho leyo nto,” ephetha. — Ubulembu
