uMthunywa
KULENDODA emiswe emthethwandaba weBenoni yatholakala ilecala lokutshontsha ithengise imota ebiyicele emtshadweni wayo.
UGavin Frances umiswe phambi komthethwanda esetheswa icala lokuthengisa imota ayeyisebenzisa emtshadweni wakhe kunyanga ezine ezedluleyo.
UCaptain Pearl van Stead osebenzela enkambeni yamapholisa eBrakpan uthe umetheswacala waboleka imota le kunyanga ezine ezedluleyo esenzela umtshado wakhe kodwa ngemva komtshado kazange ayibisele wayithengisa.
Ngemva kokuyithengisa, waqala ukuvika ucingo lwabenkampani eyayimboleke imota le kodwa wacina ebabikela ukuthi imota itshontshiwe. Wahamba njalo enkambeni yamapholisa aseBenoni wayavula icala lokutshontshelwa imota.
Ipholisa elalichwayisisa ngaloludaba lambuzisisa kabanzi ngodaba lolu wacina eveza ukuthi imota wayeyithengisele enye indoda ehlala eBenoni Ekurhuleni.
Emiswe emthethwandaba, uGavin Frances utholakale elecala lokutshontsha imota wagwetshwa ukuthi apike ejele okweminyaka eyisitshiyagalombili, kwesulwa emibili kukhangelelwe ukuthi angenzi icala elifana laleli eminyakeni emithathu elandelayo. — Ubulembu
