uMthunywa
NGESIZINI ezayo uKudakwashe Mahachi kubikwa ulakho ukudlalela iqembu leMamelodi Sundowns.
Umdlali lo okwamanje udlalela iSuperSport United.
Imbiko esigcwele ebulenjini itshengisa ukuba Amasandawana asecabange ukuthi akhulumisane lomdlali lo ukuze ngesizini ezayo angene eqenjini.
Ebuzwa liphephandaba likazulu ngoLwesibili, uMahachi uthe akavunyelwa ukukhuluma ngodaba lwakhe.
Abafakazi abaqotho babika ukuba lumdlali usezawungena umgwaqo ka-N1 eqonde kuPitoli enkundleni yeMamelodi Sundowns.
“Ngempela uMahachi useseduzane lokufeza iphupho lakhe lokudlalela iSundowns. Iqiniso esilalo yikuthi lumdlali usamelele ukuzwa ngekusasa lakhe.”
Ngokutsho komthombo osondelene lalolu daba, uMahachi uzimisele ukuthi ayetshibilika kuSundowns.
“Kuthiwa sezimfuna ngokugcweleyo izikhulu zaMasandawana uMahachi,” kutsho lumfakazi ebulenjini.
Omunye umfakazi ongumdlali osondelene loMahachi uthe lumdlali wathola ucingo oluvela kubacuphi beSundowns ecelwa ukuthi makenze okulungile avume ukuyodlalela leliqembu.
UMahachi uzahlangana loDivine Lunga, ongomunye umdlali waseZimbabwe ozadlalela iSundowns.
