uMthunywa
USEHLALE lesidumbu sowesifazane ongaziwayo okweminyaka emibili uMnumzana Siphiwe Mchunu (39) olamakhaza eMchunu’s Funeral Services edolobheni laseMnambithi eSouth Africa.
Umufi, okuthiwa wayengumqwayizi, watshona ngoMabasa 2014 ngemva kokugula okwesikhathi eside.
Isidumbu sakhe kuthiwa salethwa emakhazeni ngumlisa owathi ungumkakhe owathembisa ukuyadinga umdeni wakhe eVereeniging, eGauteng.
UMchunu uthe ngemva kwesonto wathola umbiko wokuthi lesoka selitshonile.
“Ngabona lomlisa engasaphenduki ngaqonda kumphathi wakhe koMasipala waseMnambithi okunguye owayemxhumanise lami. Nguye owahamba wayamdinga lapho ayehlala khona, wathola ukuthi laye ugule isigubhukane watshona. Utshona nje, wayenganginikanga imininingwane yalo usisi ngoba wayengumuntu owayethe uyaphenduka masinyane. Wathi uthole umkhondo wokuthi umdeni wakhe useVereeniging. Ngabuyela komasipala ngemva kokuthola ukuthi lesoka selitshonile ngoba ngifuna bathathe isidumbu sakhe basifake emakhazeni kahulumende,” kutsho uMchunu.
Uthe koMasipala waseMnambithi bamdlulisela kuMasipala wesifunda uThukela, okuthiwa yibo abasingatha indaba zezidumbu ezingaziwayo.
“Ngathi ngifika khona ngalubika udaba lwami ngoba ngilethemba lokuthi bazazi ukungisiza. Bavele bangitshela ukuthi kuzomele ngiqale ngibhalise ngibe ehlelweni lwabangcwabi abangaphansi kwabo ukuze bakwazi ukuthatha isidumbu. Kwangidida lokhu ngoba ngangifuna basithathe isidumbu ngenza into abayitshoyo okwathatha izinyanga eziyisithupha. Ngesikhathi sesixoxa labo bathi bangakwazi ukungikhokhela uR1 500 ngokugcina isidumbu.
Ngabatshela ukuthi leyo mali incane njengoba ngase ngisigcine izinsuku ezingu-167. Imali engangiyilindele yayilinganiselwa kuR90 000 ngoba ngase ngisigcine isikhathi eside futhi sengiqalile ukusijova masonto onke,” kulandisa uMchunu.
Uqhube wathi lesi sidumbu sisodwa sesimlahlekisele ngemali engaphezu kuka R400 000 ngoba usehlala ngokusijova njalo ngesonto enzela ukuthi singonakali.
“Le nto isingihlukumeze kakhulu ngoba uma ngingasinaki sivele sinuke. Angazi kungani umasipala engasithathi asingcwabe. Angisazi ukuthi kumele ngihlale nalesi sidumbu isikhathi esingakanani ngoba siyaqhubeka nokungidla esikhwameni. Ngesikhathi siqala iphunga ngalahlekelwa amakhasimende ngaze ngacetshiswa ngomunye uzakwethu onamakhaza ukuthi kumele ngisijove. Sengizisola lokuthi ngavumelani ukumthatha lo sisi ngoba useyisimbelambela sami,” kukhalaza uMchunu.
Imenenja yezeMpilo kuKhansila uThukela, uNkosikazi Gugu Mazibuko unqabile ukuphawula ngalolu daba.— Ubulembu